15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Ճգնաժամի ֆոնին՝ ՌԴ-ում կարող են թույլատրել արգելված բենզինի վաճառքը, որն անվտանգ չէ մեքենաների համար
Քաղաքականություն
30.06.2026 | 15:21
Ռուսաստանի կառավարությունը կարող է թույլատրել Եվրո-2, Եվրո-3 և Եվրո-4 բենզինի ու դիզելային վառելիքի արտադրությունն ու վաճառքը մինչև 2027 թվականի հուլիսը, հաղորդում է «Կոմերսանտը»՝ հղում անելով որոշման նախագծին: Եվրո-2 բենզինի վաճառքը Ռուսաստանում արգելված է 2013 թվականից, գրում է The Insider-ը։
Լրատվամիջոցի տվյալներով՝ իշխանությունները քննարկում են այս միջոցառումը՝ ներքին վառելիքի շուկան հագեցնելու համար։ Կարող է թույլատրվել նաև ավելի ցածր տեխնիկական բնութագրերով բենզինի ներմուծում, որը չի ենթարկվի ԵՏՄ տեխնիկական կանոնակարգերի պահանջներին։ Բենզինի համար մեթանոլի պարունակությունը նախատեսվում է սահմանափակել 3%-ով։
Գործող տեխնիկական կանոնակարգերը սահմանում են, որ Եվրո-5 բենզինի և դիզելային վառելիքի համար ծծմբի պարունակությունը չպետք է գերազանցի 10 մգ-ը՝ 1 կգ-ի համար: Եվրո-2-ի համար թույլատրվում է մինչև 500 մգ՝ 1 կգ-ի համար։
Վերլուծաբանները նշում են, որ չափորոշիչների իջեցումը թույլ կտա նավթի օգտագործումը առանց խորը զտման և կարող է ամսական հարյուր հազարավոր տոննաներով ավելացնել բենզինի մատակարարումը:
Այնուամենայնիվ, Եվրո-2 վառելիքը կարող է անվտանգ չլինել ժամանակակից ավտոմեքենաների համար:
Թարգմանությունը՝ Էմմա Չոբանյանի
