05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
Ռուբիոն հայտարարել է Իսրայել–Լիբանան նոր համաձայնագրի մասին. Իրանը դուրս է մնում, «Հեզբոլլահը»՝ նույնպես
Քաղաքականություն
27.06.2026 | 13:33
ԱՄՆ պետքարտուղար Մարկո Ռուբիոն հայտարարել է Իսրայելի և Լիբանանի միջև շրջանակային համաձայնագրի ստորագրման մասին՝ այն որակելով խաղաղության ճանապարհին առաջին քայլ։ Համաձայնագրի նպատակն է հասնել ռազմական գործողությունների վերջնական դադարեցմանը, սակայն կողմերի միջև շարունակում են մնալ տարաձայնություններ, մասնավորապես՝ Իսրայելի զորքերի դուրսբերման և «Հեզբոլլահի» զինաթափման հարցերում․ գրւմ է Euronews-ը։
Պաշտոնյաները չեն բացահայտել համաձայնագրի մանրամասները։ Այն ստորագրել են ԱՄՆ-ում Իսրայելի դեսպան Եխիել Լայտերը և ԱՄՆ-ում Լիբանանի դեսպան Նադա Համադեհը։
Համադեհը հայտարարել է, որ շրջանակային համաձայնագիրը «առաջին քայլն է Լիբանանի ինքնիշխանության և տարածքային ամբողջականության վերականգնման, ռազմական գործողությունների մշտական և վերջնական դադարեցման, մարդկանց իրենց բնակավայրեր վերադարձի, ինչպես նաև խաղաղ, անվտանգ և բարեկեցիկ կյանքի ապահովման ճանապարհին»։
Լայտերը, իր հերթին, ընդգծել է, որ համաձայնագրի վերջնական նպատակը տևական խաղաղությունն է։
«Իրական խաղաղություն, որտեղ երկու երկրներն էլ կապրեն անվտանգ պայմաններում, իսկ Իսրայելի և Լիբանանի ինքնիշխանությունը կհարգվի և կպաշտպանվի։ Այս եռակողմ, արդյունքների վրա հիմնված շրջանակային համաձայնագրում Իրանը դուրս է մնում, «Հեզբոլլահը»՝ նույնպես, իսկ խաղաղության ճանապարհը բացվում է Իսրայելի և Լիբանանի համար», – ասել է նա։
Թարգմանությունը՝ Անահիտ Խաչատրյանի
