24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Ցանկանում եմ, որ տարածաշրջանում պատերազմ չլինի․ Ալիևն ընդունել է Իրանի խորհրդարանի նախագահին
Քաղաքականություն
24.06.2026 | 21:57
Ադրբեջանի նախագահ Իլհամ Ալիևն այսօր Բաքվում ընդունել է Իրանի խորհրդարանի նախագահ Մոհամմադ Բաղեր Ղալիբաֆի գլխավորած պատվիրակությանը: Ալիևը նշել է, որ Իրանում պատերազմի դադարեցումն Ադրբեջանի կողմից ընդունվել է մեծ ուրախությամբ։
«Ցանկանում եմ, որ տարածաշրջանում որևէ պատերազմ չլինի»,- ասել է Իլհամ Ալիևը։
Նա նաև նշել է, որ Ղալիբաֆի այցն Ադրբեջան լավ հնարավորություն կստեղծի՝ քննարկելու երկկողմ օրակարգին վերաբերող հարցերը։
Մոհամմադ Բաղեր Ղալիբաֆը, իր հերթին, նշել է, որ այս պատերազմը ևս մեկ անգամ ցույց է տվել Իրանին, թե որքան կարևոր են մահմեդական երկրների հետ շփումները։ Նա ասել է, որ Իրանը պատերազմի ժամանակ ճանաչել է իր բարեկամին և թշնամուն, և որ այս առումով, «Ադրբեջանը, որպես բարեկամ երկիր, կանգնած է եղել Իրանի կողքին»։
Ավելի վաղ CNN-ը հայտնել էր, որ պատերազմի ընթացքում Իսրայելն Ադրբեջանում գաղտնի զորքեր է տեղակայել ու գործողություններ իրականացրել Իրանի դեմ։
Թարգմանությունը՝ Էմմա Չոբանյանի
