23.06.2026 | 18:14
Ասացի` զբաղվիր քո գործերով. Ավետիսյանը` իր և Անի Խաչատրյանի միջադեպի մասին․ ՏԵՍԱՆՅՈՒԹ
Լիտվայի կառավարությունը հրաժարական է տվել
Քաղաքականություն
23.06.2026 | 14:15
Լիտվայում Ինգա Ռուգինիենեի գլխավորած կոալիցիոն կառավարությունը հրաժարական է տվել։ Այս մասին պաշտոնապես հայտարարվել է հունիսի 23-ին կայացած կառավարության նիստում, գրում է Current time-ը։
Գործադիրի անդամների հրաժարականը սպասվում էր։ Սեյմի ամենամեծ կուսակցությունը՝ սոցիալ-դեմոկրատները, նախկինում համաձայնել էին նոր կաբինետ կազմել երկու գործընկերների հետ՝ ներկայիս իշխող կոալիցիայի փլուզումից հետո։
Սոցիալ-դեմոկրատները որոշել են դադարեցնել իրենց համագործակցությունը պոպուլիստական «Զարյա Նեմանա» կուսակցության հետ: Սոցիալ-դեմոկրատների հետ նոր կոալիցիան կներառի Լիտվայի ֆերմերների, կանաչների և քրիստոնյա ընտանիքների միությունը և «Լիտվայի համար» դեմոկրատների միությունը։
Նոր վարչապետը կլինի սոցիալ-դեմոկրատների առաջնորդ Մինդաուգաս Սինկևիչյուսը: Նրա կուսակիցները կպահպանեն նոր կաբինետում տեղերի մեծամասնությունը: Կառավարության փոփոխությունը, ինչպես սպասվում է, որևէ ազդեցություն չի ունենա Լիտվայի արտաքին քաղաքականության վրա, այդ թվում՝ Ուկրաինային աջակցելու հարցում։
Սոցիալ-դեմոկրատները հաղթել էին 2024 թվականի ընտրություններում։ Այդ ժամանակ ձևավորված կառավարությունը՝ Գինտաուտաս Պալուցկասի գլխավորությամբ, հրաժարական էր տվել 2025 թվականին կոռուպցիոն սկանդալից հետո և փոխարինվել Ռուգինիենեի կաբինետով։
Թարգմանությունը՝ Էմմա Չոբանյանի
