27.06.2026 | 11:13
84 տարեկանում մահացել է երգչուհի Ռաիսա Մկրտչյանը
Վճռական ենք. ավելի շատ ձայն ենք հավաքելու, քան 2021-ին. Արծվիկ Մինասյան․ ՏԵՍԱՆՅՈՒԹ
Քաղաքականություն
23.04.2026 | 17:19
«213 անձ է ընդգրկված «Հայաստան» դաշինքի ընտրական ցուցակում․ 72 կին, 141 տղամարդ։ Ցանկում 70-ը «Վերածնվող Հայաստան» կուսակցությունից են, 143-ը՝ Հայ Յեղափոխական Դաշնակցությունից։ Ներկայացրել ենք նաև ազգային փոքրամասնությունների վերաբերյալ չորս հոգանոց ցանկ»,- ԿԸՀ-ից դուրս գալուց հետո լրագրողների հետ զրույցում նշեց պատգամավոր Արծվիկ Մինասյանը։
«Սա քաղաքական հայտ ներկայացնելու մեր հայրենակիցների՝ կուսակցական, ոչ կուսակցական, գաղափարակից ընկերների, համակիրների հայտն է, որ քաղաքականությամբ են ուզում զբաղվել, և թեկնածու առաջադրվելը քաղաքականությամբ զբաղվելու ձևերից մեկն է։
Երկրորդ կարևոր հանգամանքը՝ իսկ մենք ընտրություններին ինչպե՞ս ենք մասնակցում, ի՞նչ ակնկալիքով. իհարկե հաղթելու ակնկալիքով։ Եվ եթե, Աստծո հաջողությամբ, այդ հաղթանակն էլ լինի, բնականաբար, ամբողջական իշխանությունը, անգամ նույնիսկ եթե կոալիցիոն ձևաչափով է հաղթանակը լինելու, հսկայական տեղաշարժեր կարող են լինել ցանկում»,- նշեց նա։
Մինասյանի խոսքով՝ գնում են ընտրություններին այն համոզումով, որ ընկալելի կդառնան հայրենակիցներին․ «Վճռական ենք. ավելի շատ ձայն ենք հավաքելու, քան 2021-ին»։
Մանրամասները՝ տեսանյութում։
