20.04.2026 | 14:56
Վարչապետը ներկա է գտնվել Արթուր Աբրահամի անվան մանկապատանեկան մարզահամալիրի հիմնարկեքի արարողությանը
Երկու շաբաթվա ընթացքում 8 նոր ավտոբուսի գումար ենք հավաքագրել. Տիգրան Ավինյան․ ՏԵՍԱՆՅՈՒԹ
Տնտեսություն
20.04.2026 | 11:56
«Երևանի ավտոբուս» ՓԲԸ-ի տնօրեն Բեգլար Կիրակոսյանի փոխանցմամբ՝ հաշվետու շաբաթվա ընթացքում 76 երթուղիներում շահագործվել է 4691 շարժակազմ՝ ապահովելով 100% կատարողական։
«Երևան քաղաքի կառավարման տեխնոլոգիաների կենտրոնի» տվյալներով՝ տոմսերի վավերացումների թիվը շարունակում է աճել։ Միայն վերջին շաբաթվա ընթացքում գրանցվել է ևս 15% աճ։ Ըստ ներկայացված տվյալների՝ վավերացումների բաշխումը կազմել է՝ տրոլեյբուսներում՝ 116,138, մետրոպոլիտենում՝ 616,370, ավտոբուսներում՝ 2,477,848, ընդհանուր՝ ավելի քան 3.2 միլիոն։
Ըստ զեկույցի՝ տոմսերի ստուգման միջոցառումների արդյունքում վերջին երկու շաբաթների ընթացքում գրանցվել է 29.9% աճ՝ հասնելով գրեթե 6 միլիոն վավերացման։
Քաղաքապետ Ավինյանի խոսքով՝ այս գործընթացների արդյունքում միայն վերջին երկու շաբաթում հավաքագրվել է հավելյալ շուրջ 235 միլիոն դրամ՝ նախորդ նույն ժամանակահատվածի համեմատ։
«Փաստացի մենք նախկինում չվճարող անձանց հաշվին, նրանց վճարելու հաշվին մոտավորապես ութ նոր ավտոբուսի գումար ենք հավաքել երկու շաբաթվա ընթացքում: Ուզում եմ այս թվերը բոլորս միասին արձանագրենք և բոլորը լսեն, թե ինչ թվերի մասին է խոսքը»,- ընդգծեց Ավինյանը։
Մանրամասները՝ տեսանյութում։
