31.07.2026 | 00:19
Կոնֆերենցիաների լիգա. «Ալաշկերտը» 10 ֆուտբոլիստով պարտվեց «Կլուժին»
Թուրքիայի ԱԺ նախագահն առաջարկել է ՀՀ-ին ներառել Թուրքիա-Վրաստան-Ադրբեջան մեխանիզմում
Քաղաքականություն
17.04.2026 | 16:05
Թուրքիայի Ազգային Մեծ ժողովի նախագահ Նուման Քուրթուլմուշը երկկողմ հանդիպումներ է ունեցել Միջխորհրդարանական միության (ՄՄՄ) 152-րդ Գլխավոր ասամբլեայի շրջանակում պաշտոնական այցով Ստամբուլում գտնվող իր գործընկերների հետ։ Նա հանդիպել է նաև Վրաստանի խորհրդարանի նախագահ Շալվա Պապուաշվիլիի հետ։
Հանդիպման ընթացքում քննարկվել են երկկողմ հարաբերությունները, ինչպես նաև տարածաշրջանային և համաշխարհային հարցեր։
Նշելով, որ Անկարան կարևորում է Կովկասում խաղաղությունն ու կայունությունը, և որ այդ նպատակով պետք է ավելացնել համատեղ ջանքերը, Քուրթուլմուշն ասել է, որ պետք է ամրապնդել Թուրքիա-Վրաստան-Ադրբեջան եռակողմ մեխանիզմը, և որ խաղաղության և կայունության համապարփակ աշխատանք կարելի է իրականացնել՝ այդ մեխանիզմում ներառելով նաև Հայաստանին։
Ուշադրություն հրավիրելով տարածաշրջանում առկա հակամարտություններին՝ Քուրթուլմուշը նշել է, որ իրենք կարևորում են Սև ծովում, Մերձավոր Արևելքում, Արևելյան Միջերկրական ծովում և Կովկասում խաղաղությունն ու երկարատև անդորրը, և որ տարածաշրջանում կայուն միջավայրի ստեղծումը կնպաստի բարգավաճման աճին։
Ավելի վաղ Քուրթուլմուշը խոսել էր Թուրքիայի, Ադրբեջանի և Հայաստանի միջև եռակողմ երկխոսության զարգացման մասին։
Թարգմանությունը՝ Էմմա Չոբանյանի
