09.04.2026 | 23:32
Պուտինը հայտարարել է «զատկական հրադադար»
Թուրքիայի Մեծ Ազգային ժողովի նախագահը խոսել է Թուրքիայի, Ադրբեջանի և Հայաստանի միջև եռակողմ երկխոսության զարգացման մասին
Քաղաքականություն
09.04.2026 | 23:07
«Թուրքիան եղբայրական Ադրբեջանի և Հայաստանի միջև հարաբերությունների զարգացումը համարում է հատկապես զգայուն։ Անկարան հենց սկզբից հավատում էր տարածաշրջանի բոլոր պետությունների միջև համագործակցության մթնոլորտի խթանման հնարավորությանը։ Այս ճանապարհին հիմնական խնդիրը Ադրբեջանի Ղարաբաղի շրջանի օկուպացիան էր» ։
Նման հայտարարություն է արել Թուրքիայի Մեծ Ազգային ժողովի նախագահ Նուման Քուրթուլմուշը՝ պատասխանելով ադրբեջանական պետական AZERTAC-ի թղթակցի հարցին՝ Հարավային Կովկասում խաղաղության և կայունության ամրապնդման գործում միջխորհրդարանական դիվանագիտության ներդրման շուրջ։
«Մենք Ադրբեջանի և Հայաստանի միջև մերձեցումը, մասնավորապես վերջին քայլերը, համարում ենք շատ դրական և կարևոր։ Ես չեմ բացառում Թուրքիայի, Ադրբեջանի և Հայաստանի միջև եռակողմ երկխոսության զարգացումը՝ թե՛ քաղաքական ոլորտում, թե՛ միջխորհրդարանական մակարդակով։ Այս ձևաչափին կարող են ներգրավվել նաևԿովկասյան տարածաշրջանի այլ պետություններ», – ասել է Քուրթուլմուշը։
Թուրքիայի խորհրդարանի նախագահը հույս է հայտնել, որ Հարավային Կովկասում շուտով կտիրի երկարատև խաղաղության մթնոլորտ։
Թարգմանությունը`Էմմա Չոբանյանի
