03.08.2026 | 18:45
Ռուբեն Ռուբինյանը երկու խորհրդական և երկու օգնական է նշանակել
Թրամփը հայտնել է, որ Սի Ցզինպինի հետ նամակներ են փոխանակել Չինաստանից Իրանին զենքի մատակարարումների վերաբերյալ
Քաղաքականություն
15.04.2026 | 19:59
ԱՄՆ նախագահ Դոնալդ Թրամփը հայտարարել է, որ ինքն ու Չինաստանի ղեկավար Սի Ցզինպինը նամակներ են փոխանակել Պեկինի կողմից Իրանին զենք մատակարարելու մասին հաղորդումների վերաբերյալ, և Չինաստանի առաջնորդը, ըստ էության, ասել է, որ երկիրը «դա չի անում», գրում է CNN-ը։
Հարցին՝ արդյո՞ք ԱՄՆ-ի գործողություններն Իրանում և Վենեսուելայում, ինչպես նաև Կուբայի հետ կապված մեկնաբանությունները, մասնավորապես, նավթի վերաբերյալ, փոխում են երկու առաջնորդների միջև հաջորդ ամիս կայանալիք հանդիպման դինամիկան, Թրամփը պատասխանել է. «Ես չեմ կարծում, որ փոխում են։ Նա այնպիսի մարդ է, ով նավթի կարիք ունի։ Մենք՝ ոչ։ Նա այնպիսի մարդ է, որի հետ ես շատ լավ եմ լեզու գտնում. նա պարզապես ինձ մի գեղեցիկ նամակ է գրել»։
«Նա պատասխանեց իմ գրած նամակին, քանի որ լսել էի, որ Չինաստանը զենք է տրամադրում, այսինքն՝ դուք դա տեսնում եք։ Ես նրան նամակ գրեցի՝ խնդրելով դա չանել, իսկ նա ինձ նամակ գրեց՝ ասելով, որ, ըստ էության, նա չի անում նման բան»,- հավելել է Թրամփը։
CNN-ն անցյալ շաբաթ հաղորդել էր, որ ԱՄՆ հետախուզությունը ցույց է տալիս, որ Չինաստանը պատրաստվում է Իրանին նոր հակաօդային պաշտպանության համակարգեր մատակարարել առաջիկա մի քանի շաբաթների ընթացքում՝ ըստ հետախուզության վերջին գնահատականներին ծանոթ երեք անձանց։ Բացի այդ, Թրամփն ասել է, որ կարծում է, թե ԱՄՆ-ի կողմից Իրանի նավահանգիստների շրջափակումը գործում է, և Իրանի արձագանքը «բավականին հիանալի է եղել»։
Թարգմանությունը՝ Էմմա Չոբանյանի
