Ռուսաստանցի մարտիկ Ուսման Նուրմագոմեդովն անդրադարձել է UFC-ի թեթև քաշային կարգի դասակարգման երկրորդ համար Արման Ծառուկյանի հայտարարությանը։ Ավելի վաղ հայ մարտիկը հայտարարել էր, որ մտադիր է դառնալ UFC-ի դեմքն Իսամ Մախաչևի հեռանալուց հետո։ Ըստ Ծառուկյանի, UFC-ի կիսամիջին քաշային կարգի չեմպիոն Մախաչևն ավարտելու է կարիերան 1 կամ 2 մենամարտ հետո։
«Գուցե նա կավարտի կարիերան։ Սակայն եղբայր, մենք երկար ենք լինելու այստեղ»,- սոցցանցերում գրել է Ուսման Նուրմագոմեդովը։
Ուսման Նուրմագոմեդովը UFC-ի մարտիկ Ումար Նուրմագոմեդովի հարազատ եղբայրն է։ 27-ամյա մարտիկը PFL-ի գործող չեմպիոնն է թեթև քաշային կարգում։ Խառը մենամարտերում ռուսաստանցին անցկացրել է 21 հանդիպում ու տարել նույնքան հաղթանակ։
