03.05.2024 | 18:08
4 ոստիկան դատապարտվել է ռեալ ազատազրկման, 5 անձի վերաբերյալ գործն ուղարկվել է դատարան․ ՏԵՍԱՆՅՈՒԹ
Առանց հանրային լայն քննարկման հարկային բեռի ավելացում չի լինելու. Արարատ Միրզոյանը՝ «խոպանչիներին» հարկելու նախաձեռնության մասին. ՏԵՍԱՆՅՈՒԹ
Տնտեսություն
19.11.2018 | 15:25
ՀՀ Կառավարության այսօրվա արտահերթ նիստի սկզբում առաջին փոխվարչապետի պաշտոնակատար Արարատ Միրզոյանը անդրադարձավ համացանցում մեծ աղմուկ բարձրացրած ՊԵԿ -ի, այսպես կոչված, «խոպանչիներին հարկելու» նախաձեռնությանը։
Հիշեցնենք, որ Պետական եկամուտների կոմիտեն նման նախաձեռնությամբ է հանդես եկել և մտադիր է 2020 թվականից հարկել Հայաստան մտնող մասնավոր տրանսֆերտները: Արարատ Միրզոյանը պարզաբանեց, որ ՀՀ քաղաքացիները պետք է իմանան՝ առանց լայն հանրային քննարկման, առանց հանրության համաձայնության հարկային որևէ բեռի ավելացում չի լինելու:
«Բացառվում է այդպիսի բան: Եվ պետք է հաշվի առնել, որ զանազան գաղափարներ կարող են քննարկվել, ընդ որում` քննարկումները կարող են հաճախ մանիպուլյատիվ բնույթ ստանալ, կարող են աղավաղվել, բայց կարող են մեկնաբանվել այնպես, ինչպես կան և արժանանալ կամ չարժանանալ մարդկանց հավանությանը: Եվ միայն հանրային լայն համաձայնության դեպքում կարող են այդպիսի նախաձեռնությունները կյանքի կոչվել: Կոնկրետ «խոպանչիներին հարկելու» նախաձեռնության օրինակով, պետք է նկատեմ, որ խոսքը մի փոքր աղավաղվել է և սխալ է մեկնաբանվում: Գաղափարը հետևյալն է՝ կա միտք ներդնել եկամուտների համընդհանուր հայտարարագրման համակարգ, ինչպես պաշտոնյաներն են հիմա հայտարարագրեր ներկայացնում, որտեղ պետք է բոլոր քաղաքացիները հայտարարագրեն իրենց եկամուտները: Նախ պետք է հասկանանք, թե ինչքանով է Հայաստանը պատրաստ դրան: Եվ նույնիսկ եթե դա կյանքի կոչվի, պետք է բացառվի որևէ եկամուտի կրկնակի հարկումը: Այսինքն՝ չի կարող պատահել, որ որևէ մեկն իր եկամուտից ԱՄՆ-ում կամ ՌԴ-ում արդեն հարկ է վճարում, տրանսֆերտը փոխանցում է Հայաստան, և մի հատ էլ Հայաստանում է հհարկ վճարվում»,- մանրամասնեղ առաջին փոխվարչապետը։
Միրզոյանի փոխանցմամբ՝ այս գաղափարը դեռ պետք է քննարկվի։
Առավել մանրամասն՝ տեսանյութում:
