09.04.2026 | 17:35
Կանանց Հայաստանի հավաքականը սկսել է պատրաստվել Բելառուսի դեմ խաղին․ ԼՈՒՍԱՆԿԱՐՆԵՐ
Ո՞րն է VAR-ի իմաստը․ «Բարսելոնայի» մարզիչը դժգոհ է մնացել «Աթլետիկոյի» դեմ խաղի մրցավարությունից
09.04.2026 | 14:26
Կատալոնական «Բարսելոնայի» գլխավոր մարզիչ Հանս-Դիտեր Ֆլիկը դժգոհ է մնացել Մադրիդի «Աթլետիկոյի» դեմ Չեմպիոնների լիգայի քառորդ եզրափակիչի առաջին հանդիպման մրցավարությունից։ Առաջին խաղակեսի վերջնամասում Իսպանիայի չեմպիոնը մնացել էր 10 խաղացողով, ինչից հետո մադրիդյան ակումբը խփել էր երկու գոլ ու տարել արտագնա հաղթանակ (2:0)։
«Մենք պարտվեցինք, սակայն ունեինք շատ լավ հնարավորություններ։ Չենք պատրաստվում հանձնվել։
Ինչ վերաբերում է Պաու Կուբարսիին, ապա չեմ կարող ասել՝ կար կարմիր քարտ, թե՝ ոչ։ Վստահ չեմ՝ արդյոք բավականաչափ ուժեղ հպվեց գնդակին։ Նաև եղավ դրվագ, երբ մրցակիցը ձեռքով խաղաց սեփական տուգանային հրապարակում, անհասկանալի է, թե ինչու VAR-ը չմիջամտեց։ Սխալները նորմալ են, սակայն այդպիսի իրավիճակներում որն է VAR-ի իմաստը։ Դա պետք է լիներ 11-մետրանոց ու հեռացում երկրորդ դեղին քարտով։
Մենք հավատում ենք մեր ուժերին։ Մենք հրաշալի խաղացինք՝ ունենալով մեկ ֆուտբոլիստ պակաս։ Նրանց դեմ պաշտպանվելը հեշտ չէր, բայց մենք ունեցանք պահեր»,- գերմանացի մասնագետի խոսքը մեջբերում է Marca-ն։
«Բարսելոնայի» ու «Աթլետիկոյի» պատասխան հանդիպումը կկայանա ապրիլի 14-ին Մադրիդում։
