09.04.2026 | 12:04
Բուխարեստի ազգային ստադիոնում վերջին հրաժեշտն են տվել Միրչա Լուչեսկուին․ ՏԵՍԱՆՅՈՒԹ
ՉԼ․ «Բարսելոնան» պարտվել է «Աթլետիկոյին», ՊՍԺ-ն հաղթել է «Լիվերպուլին»․ ՏԵՍԱՆՅՈՒԹ
09.04.2026 | 10:37
Չեմպիոնների լիգայի քառորդ եզրափակիչի առաջին խաղում կատալոնական «Բարսելոնան» սեփական խաղադաշտում 0։2 հաշվով պարտվել է Մադրիդի «Աթլետիկոյին»։
44-րդ րոպեին վերջին հույսի խախտման համար խաղադաշտից հեռացվել է «Բարսելոնայի» իսպանացի պաշտպան Պաու Կուբարսին, իսկ մեկ րոպե անց տուգանային հարվածով հանդիպման հաշիվը բացել է «Աթլետիկոյի» արգենտինացի հարձակվող Խուլիան Ալվարեսը։ 70-րդ րոպեին հյուրերի առավելությունը կրկնապատկել է փոխարինման մտած նորվեգացի հարձակվող Ալեքսանդր Սյորլոթը։
Օրվա մյուս խաղում Չեմպիոնների լիգայի գործող գավաթակիր ֆրանսիական ՊՍԺ-ն ընդունել է անգլիական «Լիվերպուլին» ու հաղթել 2։0 հաշվով։ Դաշտի տերերի կազմում աչքի են ընկել ֆրանսիացի հարձակվող Դեզիրե Դուեն ու վրացի վինգեր Խվիչա Կվարացխելիան։
Այս զույգերի պատասխան հանդիպումները տեղի կունենան ապրիլի 14-ին։
