27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Բա պատասխանատուներն ո՞ւր էին, որ առանց բիտումի ասֆալտ էին լցնում․ փորձանմուշներ վերցրե՛ք․ Ավինյան․ ՏԵՍԱՆՅՈՒԹ
Տնտեսություն
23.02.2026 | 10:57
«Մինչ այս պահը կտրվել է մոտ 15 000 քառակուսի մետր ասֆալտբետոնյա ծածկույթ և տեղադրվել է մոտավորապես 13 000 քառակուսի մետր ասֆալտբետոնյա ծածկույթ: Տեղային լուծումներ են տրվել մոտ 320 փոսի»,- քաղաքապետարանի գործակարգավարական խորհրդակցությանը Ավինյանին զեկուցեց շինբարեկարգման վարչության պետի պաշտոնակատար Անդրանիկ Թևոսյանը։
Տիգրան Ավինյանը ենթականերից փորձեց պարզել, թե ինչու է որոշ հատվածներում ասֆալտ արվել առանց բիտումի։ Ի պատասխան Նոր Նորքի վարչական շրջանի ղեկավար Մարատ Սևոյանը հայտնեց, որ այդ աշխատանքները կատարվել են երկու հասցեում՝ Թոթովենց և Հովհաննիսյան փողոցներում, և որտեղ հետո բիտումով ասֆալտապատում է իրականացվել։
Տիգրան Ավինյանը, այդուհանդերձ, քննադատեց վերահսկողության բացակայությունը՝ նշելով, որ սա աշխատանքների անորակ կազմակերպման հետևանք է։
««Բալահովիտ 1» ընկերությունը թող մի հատ իրեն կարգի բերի: Երբ չկա վերահսկողություն, պարզվում է՝ աշխատանքը ով ոնց, ինչ-որ մի բան պակաս անելու է: Ու դա վերաբերում է բոլոր վարչական շրջաններին: Այսինքն՝ ի՞նչ է նշանակում օրը ցերեկով: Ասենք մի մարդ չունե՞ք գնա կողքները կանգնի, տեսնի՝ ինչ են անում: Կամ լավ, ասենք ո՞ր դարն է էլի»,- ասաց Տիգրան Ավինյանը։
Նշենք, որ բլոգերներն էին տեսանյութեր հրապարակել՝ ցույց տալով, որ առանց բիտումի ասֆալտ են անում։
Մանրամասները՝ տեսանյութում։
