10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
ՍԱՊԾ-ն կդիմի դատարան՝ Ծառայության մասին ապատեղեկատվություն տարածելու համար
20.07.2017 | 16:34
ՀՀ գյուղատնտեսության նախարարության սննդամթերքի անվտանգության պետական ծառայության պետ Իշխան Կարապետյանը վստահեցնում է՝ ՍԱՊԾ-ում բոլոր գործընթացներն իրականացվում եմ օրենքի շրջանակում:
«Որևէ անառողջ մթնոլորտի մասին խոսք չի կարող լինել մեկ մարդու սուբյեկտիվ կարծիքի պատճառով», – այսօր Կառավարության նիստից հետո լրագրողների հետ զրույցում ընդգծեց Կարապետյանը՝ անդրադառնալով ՀՀ ԳՆ ՍԱՊԾ «Գոգավան» սահմանային հսկիչ կետի արդեն նախկին պետ Նարեկ Մանթաշյանի կողմից կառույցի վերաբերյալ տարածած լուրերին։
Հիշեցնենք՝ օրերս ՍԱՊԾ պաշտոնյան ազատվել էր աշխատանքից, ապա ծավալուն բաց նամակով դիմել ՀՀ վարչապետին և հայտնել, որ Կարապետյանի միջամտությունն է անհրաժեշտ իր հանդեպ կատարված անօրինականությունը պարզելու, ինչպես նաև իր աշխատանքային իրավունքները վերականգնելու համար։
ՍԱՊԾ-ն, սակայն, այս առնչությամբ հայտարարություն տարածեց՝ տեղեկացնելով, որ Գյուղատնտեսության նախարարության սննդամթերքի անվտանգության պետական ծառայության նախկին աշխատակից Նարեկ Մանթաշյանի կողմից Ծառայության վերաբերյալ ԶԼՄ-ների միջոցով տարածած «զրպարտությունների և ապատեղեկատվության կապակցությամբ»՝ ՀՀ ԳՆ սննդամթերքի անվտանգության պետական ծառայության կողմից նախապատրաստվում է հայցադիմում, որով կառույցը կդիմի դատարան՝ պատվի, արժանապատվության և գործարար համբավի պաշտպանության պահանջով:
Առավել մանրամասն՝ տեսանյութում:
Շողիկ Գալստյան
