18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
«5 տարի առաջ եմ գնացել բժշկի»․ հարցում Երևանում. ՏԵՍԱՆՅՈՒԹ
17.12.2025 | 19:47
Հունվարի 1-ից մոտ 1,600,000 մարդ կունենա առողջության ապահովագրություն․ Ազգայի ժողովն այսօր ամբողջությամբ ընդունեց «Առողջության համընդհանուր ապահովագրության մասին» օրենքը:
Պետությունն ամբողջությամբ կվճարի մինչև 18 տարեկան երեխաների, 65 + տարիքի քաղաքացիների, սոցիալապես աջակցության համակարգում ներառված անձանց, այդ թվում` զոհված զինծառայողների ընտանիքների ապահովագրավճարը։
200 001 դրամից մինչև 500 000 դրամ ստացողների ապահովագրավճարի գերակշիռ մասը 2026 թվականին պետության կողմից փոխհատուցվելու է: «Զինապահ» հիմնադրամին հատկացվող 5500 դրամից 4500 դրամն ուղղվելու է Ապահովագրության հիմնադրամին, սրան գումարվելու է սոցիալական կրեդիտի հետվերադարձը, արդյունքում` այս խմբի քաղաքացիներին մնալու է վճարել 300 դրամ:
Ապահովագրության փաթեթը այս խմբերի համար նույնն է լինելու, արժեքը` տարեկան 129 600 դրամ, ամսական` 10 800 դրամ։
500 001 դրամից մինչև 1 մլն դրամ ստացող քաղաքացիների դեպքում «Զինապահ» հիմնադրամին հատկացվող 8500 դրամից 7500 դրամն ուղղվելու է Ապահովագհրության հիմնադրամին, մնացած 3300 դրամը պահվելու է իրենց աշխատավարձից, սակայն ֆիզիկական անձանց հայտարարագրման համակարգով, որպես եկամտահարկի վերադարձ, այն կարող են 2027 թվականին հետ ստանալ:
«Արմեդ» հավելվածում, Առողջապահության նախարարության և Հիմնադրամի պաշտոնական կայքերում կլինեն ապահովագրության փաթեթում ներառված հիվանդությունների, ախտորոշումների, սքրինինգների, ինչպես նաև դեղերի կոնկրետ ցանկեր:
Կառավարությունը վստահեցնում է` մինչև 2029 թվականը ՀՀ բոլոր քաղաքացիներն ու ռեզիդենտները ապահովագրություն կունենան։ Թեև ապահովագրությունն ընդգրկելու է բոլորին, բայց ոչ բոլոր բուժծառայությունները:
Factor TV-ն մայրաքաղաքի բնակիչներից փորձել է հասկանալ՝ արդյո՞ք այժմ առողջապահական ծախսերի համար կարողանում են բավականաչափ գումար հատկացնել և ինչպես են վերաբերվում առողջության համընդհանուր ապահովագրությանը։
Մանրամասները՝ տեսանյութում։
Անի Թամրազյան
