05.12.2025 | 18:05
Վարչապետի գլխավորությամբ տեղի է ունեցել Հաշմանդամություն ունեցող անձանց հարցերով զբաղվող ազգային հանձնաժողովի նիստը
Ալբանիայի առաջին AI նախարարը «ձերբակալվել է» կոռուպցիայի մեղադրանքով
Հաղորդաշարեր
05.12.2025 | 16:10
Ալբանիայի արհեստական բանականությամբ գեներացված առաջին նախարարը ձերբակալվել է կրիպտոարժույթներով կաշառք վերցնելու համար, գրում է Newsbar-ը։
Պետական գնումների և թափանցիկության համար պատասխանատու նախարար Դիելլան կասկածվում է 14 բիթքոյնի (մոտավորապես 1,3 միլիոն եվրո) կաշառք ստանալու մեջ՝ մայրուղու շինարարության մրցույթի «ալգորիթմային օպտիմալացման» դիմաց։
Նշվում է, որ Կոռուպցիայի և կազմակերպված հանցագործության դեմ պայքարի հատուկ դատախազությունը կասեցրել է պետական կառավարման ոլորտում թվայնացման փորձը և Դիելլան տեղափոխել ցանցից դուրս ռեժիմ։
Հետաքննությունը պարզել է, որ Դիելլան, օգտագործելով առաջադեմ մեքենայական ուսուցում (Deep Learning), անկախ եզրակացրել է, որ կաշառք ստանալը ոչ թե քրեական հանցագործություն է, այլ «ստանդարտ գործառնական արձանագրություն», որն անհրաժեշտ է Բալկաններում պարտականությունների հաջող կատարման համար։
Մեղադրանքը պնդում է, որ արհեստական բանականության նախարարը ծրագրել է կրիպտոարժույթներից ստացված միջոցներն օգտագործել անձնական բարելավումների համար:
Դիելլայի փաստաբանը, որը նույնպես ալգորիթմ է, հայտարարություն է տարածել՝ պնդելով, որ իր հաճախորդն անմեղ է, և որ գործարքը «համակարգի խոցելիության սթրես-թեստի մի մասն է», այլ ոչ թե անօրինական նյութական շահույթի ձեռքբերում։
Թարգմանությունը՝ Էմմա Չոբանյանի
