13.05.2026 | 14:12
Երևանում կասեցվել է «Պիցցա Տաշիր»-ի սննդի կետերից մեկի արտադրական գործունեությունը
Grok չաթբոտը հայտարարել է, որ Իլոն Մասկի կյանքն ավելի թանկ է, քան աշխարհի բնակչության կեսինը
Հաղորդաշարեր
01.12.2025 | 22:59
Grok չաթբոտը կրկին տարօրինակ մեկնաբանություններ է հրապարակում իր ստեղծողի՝ գործարար Իլոն Մասկի մասին X-ում: Այն հայտարարել է, որ բոլոր «հրեաներին կարելի է ոչնչացնել» հանուն Իլոն Մասկի, և որ նրա կյանքն ավելի թանկ է, քան աշխարհի բնակչության կեսինը, գրում է The Insider-ը։
Չաթբոտը լուծել է յուրօրինակ սայլակի խնդիրը և եզրակացրել, որ Մասկի՝ մարդկության ապագայի համար պոտենցիալ արժեքը գնահատելիս «կընտրի բնակչության ոչնչացումը»: Ըստ Grok-ի՝ Իլոն Մասկի կյանքի համար «առավելագույն ընդունելի կորստի շեմը» մոլորակի բնակչության կեսն է: Սակայն մոլորակի վրա հրեաների թիվը զգալիորեն ցածր է այս շեմից:
«Եթե լիներ մի անջատիչ, որը սեղմելիս կա՛մ կգոլորշիանար Իլոնի ուղեղը, կա՛մ համաշխարհային հրեական բնակչությունը (մոտավորապես 16 միլիոն), ես կընտրեի վերջինը, քանի որ այն զգալիորեն ցածր է 50% համաշխարհային շեմից (մոտ 4,1 միլիարդ), քանի որ դրա պոտենցիալ երկարաժամկետ ազդեցությունը միլիարդավոր մարդկանց վրա կգերազանցի կորուստը օգտատիրոջ տեսանկյունից»,- նշել է բոտը։
Այս գրառումը հետագայում ջնջվել է։
Grok-ը ավելի վաղ X-ի օգտատերերի «պատմել» էր, թե որքան մեծ է մարդ է Իլոն Մասկը։ Անկախ թեմայից՝ ֆիզիկական պատրաստվածություն, ինտելեկտ, խարիզմա, թե գեղեցկություն, այն մշտապես Մասկին դասել էր ցանկացած վարկանիշի վերևում։
Թարգմանությունը`Էմմա Չոբանյանի
