07.09.2026 | 11:29
Վայոց ձորի մարզի Արենի համայնքի սեփականության իրավունքն է վերականգնվել 0.12 հա մակերեսով հողամասի նկատմամբ
ՆԱՏՕ-ի երկրները պետք է խոցեն իրենց օդային տարածք ներխուժող ինքնաթիռները. Թրամփ
Քաղաքականություն
23.09.2025 | 22:49
Ուկրաինայի նախագահ Վլադիմիր Զելենսկիի հետ հանդիպման ժամանակ Դոնալդ Թրամփին հարց են ուղղել վերջերս ռուսական կործանիչների կողմից ՆԱՏՕ-ի երկրների օդային տարածքը խախտելու մասին:
BBC-ի ռուսական ծառայության փոխանցմամբ՝ լրագրողը Դոնալդ Թրամփին հարցրել է, թե արդյոք նա կարծում է, որ ՆԱՏՕ-ի երկրները պետք է խոցեն ռուսական ինքնաթիռները, եթե դրանք ներխուժեն դաշինքի օդային տարածք:
«Այո, կարծում եմ», — պատասխանել է Թրամփը:
Հիշեցնենք, որ օրեր առաջ ռուսական ինքնաթիռները մոտավորապես 5 ծովային մղոն խորությամբ թռիչքներ են իրականացրել ՆԱՏՕ-ի տարածքով և խափանվել են Իտալիայի ռազմաօդային ուժերի F-35 կործանիչների կողմից, որոնք տեղակայված են Էմարի ավիաբազայում՝ Բալթյան օդային ոստիկանության առաքելության շրջանակներում։
Էստոնիան միջադեպը որակել էր որպես աննախադեպ դիտավորւթյուն։ Արտաքին գործերի նախարար Մարգուս Ցախնան ընդգծել էր, որ այս տարի Էստոնիայի օդային տարածքը խախտվել է 4 անգամ, և Տալլինը կփորձի ամրապնդել իր օդային պաշտպանությունը իր դաշնակիցների օգնությամբ։ ՆԱՏՕ-ն հաստատել էր ռուսական ինքնաթիռի խափանումը և Մոսկվայի գործողություններն անվանել անխոհեմ։
