10.03.2026 | 23:51
Միրզոյանը և ԱՄՆ պետքարտուղարի տեղակալը քննարկել են ՀՀ-ԱՄՆ ռազմավարական գործընկերության խորացման հարցեր
Ավստրալիան պաշտոնապես ճանաչեց Պաղեստին պետությունը՝ վարչապետ Էնթոնի Ալբանիզի ԱՄՆ ժամանման ֆոնին
Քաղաքականություն
21.09.2025 | 17:18
Ավստրալիան ճանաչեց Պաղեստինը որպես ինքնիշխան պետություն, դառնալով աշխարհի ավելի քան 150 երկրներից մեկը, որոնք արդեն արել են այդ քայլը, հայտնում է ABC-ն։
Քիչ առաջ ճանաչման մասին հայտարարել է նաև Կանադան։
Այս քայլի մասին նախապես հայտարարվել էր օգոստոսին, սակայն պաշտոնական դարձավ կիրակի օրը՝ վարչապետ Ալբանիզի և արտգործնախարար Փենի Վոնգի համատեղ հայտարարությամբ։
«Ավստրալիան ճանաչում է պաղեստինցիների օրինական և երկարամյա ձգտումը՝ ունենալ սեփական պետություն»,-ասված է հայտարարության մեջ։
Այս օրերին Պաղեստինը ճանաչել են նաև Ֆրանսիան, Բելգիան և Պորտուգալիան, ինչը Ավստրալիայի հայտարարության մեջ կոչվել է «միավորված միջազգային ջանք՝ երկու պետության լուծման գործընթացին նոր թափ հաղորդելու համար»։
Այս քայլով Ավստրալիան այժմ ճանաչում է Մահմուդ Աբբասին՝ որպես Պաղեստին պետության ղեկավար։ Վարչապետ Ալբանիզը ծրագրել էր այս շաբաթ Նյու Յորքում հանդիպել Աբբասի հետ, սակայն ԱՄՆ կառավարությունը մերժել է վերջինիս վիզան։ Ավստրալիայի հայտարարության մեջ նշվել է, որ դեսպանատների և դիվանագիտական մյուս ձևաչափերի հարցը կքննարկվի այն ժամանակ, երբ Պաղեստինյան Ինքնավարությունը կատարի իր խոստացած բարեփոխումները։
Նախարարները նաև նշել են, որ Պաղեստինյան Ինքնավարությունը ճանաչել է Իսրայելի գոյության իրավունքը, և ընդգծել են․ «ՀԱՄԱՍ ահաբեկչական կազմակերպությունը չպետք է որևէ դեր ունենա ապագա Պաղեստինում»։
