03.10.2026 | 22:08
Հայաստանի հավաքականը ժամանել է Պոդգորիցա
«Լու՞րջ եք խոսում, շինթույլտվություն տվողը կարո՞ղ ա քեռուս տղեն ա, դուք եք էլի»․ Մեսրոպ Մանուկյան․ ՏԵՍԱՆՅՈՒԹ
Տնտեսություն
09.09.2025 | 11:53
Երևանի ավագանու «Մայր Հայաստան» խմբակցության անդամ Մեսրոպ Մանուկյանը նիստի ժամանակ հարց ուղղեց քաղաքապետարանի աշխատակազմի եկամուտների հաշվառման և գանձման վարչության պետի պաշտոնակատար Դավիթ Հակոբյանին, թե ինչու կառույցը եկամուտների պլանավորում չի իրականացրել։
«Պարոն Հակոբյան, դուք զբաղեցնում եք մի պաշտոն, մի քանի միլիարդ դրամ չեք պլանավորել և հպարտությամբ դա ասո՞ւմ եք։ Դուք առնվազը հենց հիմա պետք է դիմում գրեիք, գործից գնայիք»,- ասաց Մանուկյանը։
Դավիթ Հակոբյանն իր հերթին ասաց, թե ոչ ոք չէր կարող կանխատեսել, որ, օրինակ 2025 թվականին urban.e-gov.am հարթակը կգործարկվի ու դրա գործարկման արդյունքում ի՞նչ գույքային միավորներ այդ օրենքի պահանջով կհայտնվեն ու ի՞նչ արժեք կգեներացվի։ Խոսելով արտոնությունների գումարի չափի մասին նա նշեց.
«Այս պահին պոտենցիալը 3,5-4 միլիարդ է, եթե միջինացված ցուցանիշ ընդունենք՝ մոտավորապես 45-50%-ի չափ արտոնություն է նախատեսվելու, իհարկե, եթե բոլոր կառուցապատողները դիմեն կամ համապատասխան շինթույլտվության երկարաձգման գործընթացին հասնեն»:
«Լու՞րջ եք խոսում, այսինքն՝ շինթույլտվություն տվողը կարո՞ղ է քեռուս տղան էր, դու՛ք եք էլի, դու՛ք եք տվել: Այդպես չի կարելի, այս խնդիրը կա ու լուծում է պահանջում է: Այսպիսի փնթի աշխատելաոճ, ներողություն, չեմ ընդունում»,- Հակոբյանին արձագանքեց Մանուկյանը։
Մանրամասները՝ տեսանյութում։
