05.10.2026 | 20:12
Արաղչին Միրզոյանին հայտնել է Իրանի պատրաստակամությունը՝ շարունակել բազմակողմ համագործակցությունը, այդ թվում՝ 3+3 ձևաչափով
Ամիրյան փողոցում մեքենայի պայթյունից տուժածներից 2-ը դուրս են գրվել
03.09.2025 | 12:34
Ամիրյան փողոցում երեկ տեղի ունեցած մեքենայի պայթյունի հետևանքով երեք տուժածներից երկուսը հիվանդանոցից դուրս են գրվել: Factor.am-ի հարցին ի պատասխան տեղեկացրեց ՀՀ առողջապահության նախարարի մամուլի քարտուղար Մարիամ Ծատրյանը։
«Երկու քաղաքացիների վիճակը բավարար է, համապատասխան հետազոտություններն անցնելուց հետո դուրս են գրվել։ 3-րդ տուժածը, որը վերակենդանացման բաժանմունքում էր, այսօր տեղափոխվել է բաժանմունք։ Վիճակը միջին ծանրության է, այսօրվա դրությամբ կյանքին սպառնացող վտանգ չկա»,- ասաց ԱՆ խոսնակը։
Հիշեցնենք՝ երեկ` 14։40-ի սահմաններում, Երևանի Ամիրյան փողոցում ավտոմեքենայում պայթյուն է տեղի ունեցել։ «Տոյոտա» մակնիշի ավտոմեքենայի պայթյունի հետևանքով վնասվել էին նաև հարակից մեքենաները։ 3 քաղաքացի հոսպիտալացվել էր։
Անի Թամրազյան
