04.11.2026 | 11:53
Հերթական պատվերն է Փաշինյանի կողմից. ՈՒՀ պատգամավորը՝ Կարապետյանների տան խուզարկության մասին․ ՏԵՍԱՆՅՈՒԹ
Վահագն Խաչատուրյանը Կոտայքի մարզում ծանոթացել է ինտենսիվ այգեգործության ծրագրին
Տնտեսություն
02.09.2025 | 13:06
Սեպտեմբերի 1-ին Հայաստանի Հանրապետության նախագահ Վահագն Խաչատուրյանն այցելել է Կոտայքի մարզի Նաիրի և Եղվարդ համայնքներում գտնվող «Էմ Էռ ինվեստ» ՍՊԸ-ի խնձորի այգիներ։ Ընդհանուր 70 հա տարածք զբաղեցնող ինտենսիվ այգիները ամբողջությամբ ապահովված են հակակարկտային ցանցերով և կաթիլային ոռոգման համակարգով։
«Նախագահը նաև այցելել է նույն ծրագրի շրջանակներում կառուցված ջրամբարը, որը նախատեսված է այգիների ոռոգման ապահովման համար։ «Էմ Էռ ինվեստ» ՍՊԸ-ն իր գործունեության ընթացքում օգտվել է ՀՀ կառավարության կողմից իրականացվող գյուղատնտեսական տեխնիկայի լիզինգի աջակցության ծրագրից»,- ասված է ՀՀ նախագահի աշխատակազմի տարածած հաղորդագրությունում։
Ընկերության գործունեության ընդհանուր մոդելը ներառում է երկու հիմնական բաղադրիչ՝ ինտենսիվ խնձորի և կեռասի այգիների հիմնումը և սառնարանային տնտեսության կառուցում, որը հնարավորություն է տալիս պահեստավորել և երկարաժամկետ պահպանել շուրջ 3000 տոննա բերքը և կազմակերպել դրա իրացումն ըստ գրաֆիկի։
