18.05.2026 | 16:29
Բելառուսում ՌԴ-ի հետ համատեղ միջուկային զորավարժություններ են մեկնարկել
Բաքուն Ստեփանակերտում քանդում է Արցախի ԱԳՆ-ի շենքը․ ԼՈՒՍԱՆԿԱՐՆԵՐ
02.09.2025 | 12:50
Ադրբեջանի իշխանությունները շարունակում են հայաթափված Ստեփանակերտում քանդել հայկական շենք-շինությունները։ Այս անգամ հերթը հասել է Արցախի ԱԳՆ-ին։ Ադրբեջանական լրատվամիջոցները գրում են, որ այս շենքի քանդումը խորհրդանշական է Բաքվի համար, քանի որ սեպտեմբերի 2-ն Արցախի Անկախության օրն է։
«Հետևաբար, այն փաստը, որ այս շենքի քանդման աշխատանքները սկսվել են սեպտեմբերի 2-ին, մեծ քաղաքական և խորհրդանշական նշանակություն ունի»,- գրում են ադրբեջանական աղբյուրները։
Հաղորդվում է, որ ապամոնտաժված շենքի տեղում նախատեսվում է կառուցել Ադրբեջանի Քաղաքաշինության և ճարտարապետության պետական կոմիտեին առընթեր Ղարաբաղի տարածաշրջանային ճարտարապետության և քաղաքաշինության վարչության համար նախատեսված ժամանակակից եռահարկ վարչական շենք։ Այն նախատեսվում է շահագործման հանձնել 2027 թվականի սկզբին։
Ըստ ադրբեջանական ԶԼՄ-ների՝ «շինարարությունը, որն իրականացվում է «Մեծ վերադարձ» ծրագրի շրջանակում, իշխանությունների կարծիքով, պետք է նպաստի Ղարաբաղում պետական կառավարման համակարգի ամրապնդմանը և դառնա «ժողովրդի անսասան կամքի և պետության ուժի» խորհրդանիշ»։
Էմմա Չոբանյան
