09.10.2026 | 13:56
ԱԱԾ-ն հերքում է ադրբեջանցիների ներթափանցումը Սյունիք
Հայաստանը ՇՀԿ անդամակցության հարցում տեսնում է բավարար կառուցողական մոտեցում, փոխըմբռնում. ՀՀ ԱԳՆ
Քաղաքականություն
01.09.2025 | 17:51
Հայաստանը կշարունակի աշխատանքները Շանհայի համագործակցության կազմակերպության շահագրգիռ անդամ երկրների հետ՝ կառույցի հետ փոխշահավետ գործընկերության հետագա զարգացման ուղղությամբ:
«Արմենպրես»-ի հարցմանն ի պատասխան այս մասին հայտնել է Հայաստանի ԱԳՆ մամուլի խոսնակ Անի Բադալյանը:
«Այս պահին գործընթացի մանրամասներին չենք անդրադառնա, բայց կարող եմ ասել, որ Հայաստանի անդամակցության հարցում տեսնում ենք բավարար կառուցողական մոտեցում, փոխըմբռնում: Այս ընկալմամբ կշարունակենք աշխատանքները ՇՀԿ շահագրգիռ անդամ երկրների հետ՝ կառույցի հետ փոխշահավետ գործընկերության հետագա զարգացման ուղղությամբ»,–տեղեկացրել է խոսնակը:
Հիշեցնենք, որ այսօր հայտնի դարձավ՝ Հնդկաստանն արգելափակել է Շանհայի համագործակցության կազմակերպությանը լիիրավ անդամակցության մասին Ադրբեջանի դիմումը։
Իսկ ադրբեջանական ԶԼՄ-ները հաղորդել էին, որ Պակիստանն արգելափակել է Հայաստանի անդամակցությունը Շանհայի համագործակցության կազմակերպությանը (ՇՀԿ)։
