06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
ԱԳՆ-ն չի պարզաբանում՝ ինչո՞ւ Իրանի նախագահը Ծիծեռնակաբերդ չի այցելել
01.09.2025 | 15:30
ՀՀ Արտաքին գործերի նախարարությունը չի պարզաբանում, թե ինչո՞ւ Երևան այցի ընթացքում Իրանի նախագահ Մասուդ Փեզեշքիանը Ծիծեռնակաբերդի հուշահամալիր չի այցելել։
Factor TV-ն արտաքին քաղաքական գերատեսչությունից հետաքրքրվել էր՝ հայկական կո՞ղմը արարողակարգում չի ներառել Փեզեշքիանի այցը Հայոց ցեղասպանության զոհերի հուշահամալիր, թե՞ Իրանի նախագահը չի ցանկացել Ծիծեռնակաբերդ այցելել։
«Պաշտոնական այցերի ծրագիրը կազմվում է փոխադարձ համաձայնեցմամբ՝ հաշվի առնելով այցի ընդհանուր օրակարգը և քննարկվելիք հարցերի շրջանակը»,- մեր հարցմանն ի պատասխան՝ հայտնել են ԱԳՆ-ից։
Նախարարությունից նաև հիշեցրել են, որ Փեզեշքիանի այցի ընթացքում տեղի են ունեցել հանդիպումներ ՀՀ նախագահի և վարչապետի հետ։
Հիշեցնենք, որ Իրանի նախագահ Մասուդ Փեզեշքիանը Վաշինգոտոնում եռակողմ հռչակագրի ստորագրումից տասն օր անց՝ օգոստոսի 18-21-ը պաշտոնական այցով առաջին անգամ Հայաստան էր ժամանել։ Նա մի շարք հանդիպումներ է ունեցել, մասնակցել է հայ-իրանական գործարար համաժողովին, այցելել Երևանում Կապույտ մզկիթ։ Հայոց ցեղասպանության զոհերի հուշահամալիր, սակայն, Իրանի նախագահը չէր այցելել։
Մանյա Պողոսյան
