19.12.2025 | 11:12
Մեկնարկել են «Fly Kish» ավիաընկերության Թեհրան-Երևան-Թեհրան երթուղով չվերթները
ՀՎԿԱԿ-ը խորհուրդ է տալիս սպասվող շոգ եղանակի պատճառով սեպտեմբերյան միջոցառումները կազմակերպել շենքերի ներսում
30.08.2025 | 13:58
Հայաստանի առողջապահության նախարարության Հիվանդությունների վերահսկման և կանխարգելման ազգային կենտրոնը (ՀՎԿԱԿ) հորդորում է սեպտեմբերի առաջին օրերին միջոցառումները կազմակերպել փակ տարածքներում՝ պայմանավորված շոգ եղանակով և բարձր ջերմաստիճաններով։
Օգոստոսի 30-31-ին, սեպտեմբերի 1-3-ին Շիրակում, Կոտայքում, Արարատյան դաշտում, Արագածոտնի և Վայոց ձորի նախալեռներում, Սյունիքի և Տավուշի հովիտներում, ինչպես նաև Երևանում սպասվում է բարձր կարգի հրդեհավտանգ իրավիճակ։ Նշված օրերին հանրապետությունում և մայրաքաղաքում կանխատեսվում է առանց տեղումների եղանակ։
ՀՎԿԱԿ-ը զգուշացնում է, որ ուլտրամանուշակագույն ճառագայթները հատկապես արևոտ օրերին կարող են վնասակար լինել առողջության համար։ Դրանք կարող են առաջացնել արևահարություն, մաշկի քաղցկեղի ռիսկ, բշտիկներ, քոր և այտուցվածություն։
Կենտրոնը հորդորում է խուսափել արևի ուղիղ ճառագայթներից 11:00-17:00-ն ընկած ժամանակահատվածում, կրել բարակ, բաց գույնի, երկարաթև հագուստ և լայնեզր գլխարկ, օգտագործել արևապաշտպան քսուք և արևային ակնոց, խմել հնարավորինս շատ ջուր։
