20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Պուտինի ու Զելենսկիի հանդիպումը կարող է տեղի ունենալ Հունգարիայում․ Reuters
Քաղաքականություն
19.08.2025 | 15:26
Ուկրաինայի և Ռուսաստանի նախագահների միջև բանակցությունները, որի նախապատրաստության մասին հայտնել է Սպիտակ տունը, կարող են տեղի ունենալ Հունգարիայում: Այս մասին Reuters-ին հայտնել է ԱՄՆ նախագահի վարչակազմի բարձրաստիճան աղբյուրը, փոխանցում է Մեդուզան։
Նա չի բացահայտել մանրամասները՝ միայն հավելելով, որ Ռուսաստանի իշխանությունները դեռևս պաշտոնապես չեն հայտարարել, որ համաձայն են նման հանդիպմանը:
Միաժամանակ, Ֆրանսիայի նախագահ Էմանուել Մակրոնը որպես Պուտին-Զելենսկի հանդիպման վայր առաջարկել է Շվեյցարիան։
«Դա կլինի չեզոք երկրում, գուցե՝ Շվեյցարիան, ես առաջարկում են Ժնևը, կամ մեկ այլ երկիր», – ասել է նա։
Օգոստոսի 18-ին, Ուկրաինայի նախագահի և եվրոպական դաշնակիցների հետ հանդիպումից հետո, ԱՄՆ նախագահ Դոնալդ Թրամփը հայտարարել է Վլադիմիր Պուտինի և Վլադիմիր Զելենսկիի միջև հանդիպման նախապատրաստման մասին:
Գերմանիայի կանցլեր Ֆրիդրիխ Մերցը, որը մասնակցել է Սպիտակ տանը կայացած բանակցություններին, ասել է, որ Պուտինի և Զելենսկիի միջև հանդիպումը նախատեսվում է անցկացնել առաջիկա երկու շաբաթվա ընթացքում:
