11.03.2026 | 22:10
Ըմբիշ Լևիկ Միքայելյանը՝ Եվրոպայի Մ23 տարեկանների առաջնության կրկնակի ոսկե մեդալակիր
Մյունխենում ուղևորատար գնացքը դուրս է եկել ռելսերից․ զոհեր և վիրավորներ կան․ ՏԵՍԱՆՅՈՒԹ
Քաղաքականություն
28.07.2025 | 11:28
Գերմանիայի հարավ-արևմուտքում՝ Մյունխենից 158 կիլոմետր հեռավորության վրա, անտառապատ տարածքում ուղևորատար գնացքը դուրս է եկել ռելսերից։ Euronews-ի հաղորդմամբ՝ զոհվել է առնվազն երեք մարդ, վիրավորվել՝ ավելի քան 50-ը։ Զոհերի թվում են գնացքի մեքենավարը և մեկ այլ երկաթուղային աշխատող։ Վիրավորներից մի քանիսը ծանր վիճակում են։
Հաղորդվում է, որ դեպքը տեղի է ունեցել նախօրեին, տեղական ժամանակով 18:00-ի սահմաններում՝ Ռիդլինգենի մոտակայքում։ Իշխանությունների տվյալներով՝ Զիգմարինգենից Ուլմ ուղևորվող գնացքում մինչև 100 մարդ է եղել, հիմնական վնասները ստացել է երկու վագոն։
Վթարի պատճառը դեռևս անհայտ է, սակայն պատահարից առաջ տարածաշրջանում փոթորիկ է մոլեգնել։ Վարկածներից մեկի համաձայն՝ անձրևը քշել է ամբարտակը, ինչի հետևանքով գնացքը դուրս է եկել գծերից։
Գերմանիայի ազգային երկաթուղային օպերատոր Deutsche Bahn-ը հայտարարել է, որ համագործակցում է իշխանությունների հետ հետաքննության շրջանակում։
Թարգմանությունը՝ Էմմա Չոբանյանի
