16.07.2026 | 21:58
ԿԼ. «Ալաշկերտը» վերջին վայրկյաններին փրկվեց պարտությունից ու հաղթեց հետխաղային 11-մետրանոցներով․ ՏԵՍԱՆՅՈՒԹ
Ուկրաինական ԱԹՍ-ները հարձակվել են Մոսկվայի վրա․ բնակելի շենքի տանիք է հրդեհվել․ՏԵՍԱՆՅՈՒԹ
Քաղաքականություն
21.07.2025 | 11:23
Ռուսաստանի ՀՕՊ ուժերը հուլիսի լույս 21-ի գիշերը խոցել են Մոսկվայի ուղղությամբ թռչող 15 ուկրաինական ԱԹՍ, հայտարարել է Մոսկվայի քաղաքապետ Սերգեյ Սոբյանինը, գրում է Meduza-ն։
Նա նշել է, որ անօդաչու թռչող սարքի բեկորներն ընկել են Նոր Մոսկվայի Կիևյան բնակավայրի տարածքում։ Նախնական տեղեկությունների համաձայն՝ «լուրջ վնասներ կամ տուժածներ չկան»։
Baza տելեգրամ ալիքը հրապարակել է տեսանյութ, որտեղ երևում է Կիևյան բնակավայրում բազմահարկ շենքի տանիքին բռնկված հրդեհը։
Ռոսավիացիան էլ գիշերը սահմանափակումներ է մտցրել Մոսկվայի բոլոր չորս օդանավակայանների՝ Վնուկովոյի, Դոմոդեդովոյի, Շերեմետևոյի և Ժուկովսկիի աշխատանքում։ Սահմանափակումները գործել են շուրջ երեք ժամ, որից հետո դրանք վերացվել են։
Ռոստովի մարզում ուկրաինական անօդաչու թռչող սարքեր են խոցվել Նովոշախտինսկում, Շախտիում և Նովոչերկասկում, հայտնել է մարզի ղեկավար Յուրի Սլյուսարը։ Ընկած բեկորները մի քանի հրդեհների պատճառ են դարձել, այդ թվում՝ Կամենոլոմնի գյուղի երկաթուղային կայարանի շենքում։ 26 ուղևորատար գնացք ուշացել է, տեղեկացրել է «Ռուսական երկաթուղիներ» ընկերությունը։
ՌԴ ՊՆ-ն էլ հայտնել է, որ գիշերվա ընթացքում ՀՕՊ ուժերը որսացել և ոչնչացրել են ուկրաինական 74 անօդաչու թռչող սարք, որոնցից 23-ը՝ Մոսկվայի մարզի տարածքում։
Վերջին օրերին ուկրաինական անօդաչու թռչող սարքերն ակտիվորեն հարձակվում են Մոսկվայի վրա։ Հարձակումների ֆոնին՝ Ռոսավիացիան բազմիցս սահմանափակումներ է մտցրել Մոսկվայի օդանավակայանների աշխատանքում։
Թարգմանությունը՝ Էմմա Չոբանյանի
