17.02.2026 | 14:36
ՀՀ-ն ու ԵՄ-ն քննարկում են համագործակցության հնարավոր նոր նախաձեռնությունները
Թուրքիայում անտառային հրդեհներ են մոլեգնում․ ՏԵՍԱՆՅՈՒԹ
Քաղաքականություն
16.07.2025 | 13:03
Թուրքիայում անտառային հրդեհները շարունակվում են։ Տեղական լրատվամիջոցների հաղորդմամբ՝ շուրջ 18 ժամ է անցել, երբ Իստիքլալի գյուղատնտեսական տարածքում սկսված հրդեհը տարածվել է անտառի վրա։ TRT Haber-ի փոխանցմամբ՝ լուսադեմին օդից հրդեհաշիջման աշխատանքները վերսկսվել են։
Քամու պատճառով առաջացած հրդեհը լայնորեն տարածվել է և անցել Չանաքքալեի սահմանը։ Գործողությունը շարունակվում է մոտ 100 ջրատար մեքենաներով, 400 հոգանոց անձնակազմով և 21 ինքնաթիռով։
Շենքոյի, Քըզըլչաթերզիի և Քոջալիի բնակիչները հրդեհի պատճառով տարհանվել են նախազգուշական նպատակով, չորս մարդ տեղափոխվել է հիվանդանոց՝ ծխի հետևանքով շնչառական խնդիրների պատճառով։ Հետաքննվում է վարկածը, որ հրդեհն առաջացել է թռչնի կողմից էլեկտրական լարին հարվածելու հետևանքով։
Թեքիրդաղի Շենքյոյ շրջանի անտառային տարածքում կեսօրին անհայտ պատճառով բռնկված հրդեհն այժմ հասել է Չանաքքալեի Գելիբոլու շրջանի Քավաքքյոյ գյուղական բնակավայր։
Թարգմանությունը՝ Էմմա Չոբանյանի
