06.10.2026 | 10:42
Հրանտ-Լեոն Ռանոսն առաջին գոլն է խփել Իսպանիայի Սեգունդայում. ՏԵՍԱՆՅՈՒԹ
Հուսով եմ՝ Ադրբեջանի հետ խաղաղության համաձայնագիրը հնարավորինս շուտ կստորագրվի․ Ուրսուլա ֆոն դեր Լեյենը՝ Նիկոլ Փաշինյանին
Քաղաքականություն
14.07.2025 | 15:53
Եվրահանձնաժողովի նախագահ Ուրսուլա ֆոն Լեյենը ՀՀ վարչապետ Նիկոլ Փաշինյանի և Եվրոպական խորհրդի նախագահ Անտոնիո Կոշտայի հետ եռակողմ հանդիպման մեկնարկի խոսքում հայտարարել է, որ ՀՀ-ի ու ԵՄ հարաբերություններն ավելի քան սերտ են։
«Հաճելի է ձեզ կրկին հյուրընկալել Բրյուսելում։ Երբ հանդիպեցինք անցյալ տարի, ես ասացի, որ Եվրոպան ուս ուսի է կանգնած Հայաստանի հետ։ ԵՄ-ի և Հայաստանի հարաբերությունները սերտ են ավելի, քան երբևէ, մենք ունենք գործընկերության շատ հավակնոտ օրակարգ։ Ունենք ԵՄ-ի Դիմակայունության և աճի ծրագիրը, տրամադրում ենք 270 մլն եվրո Հայաստանին, և սա ցույց է տալիս ԵՄ հանձնառության խորությունը։ Մենք գիտենք, որ ձեր գեղեցիկ երկիրը կարող է և կխաղա դեր Եվրոպայի ապագայում»,- ասել է նա։
Խոսելով Ադրբեջանի հետ խաղաղության գործընթացից՝ ֆոն դեր Լեյենը հավելել է․ «Ադրբեջանի հետ խաղաղության պայմանագրի նախագիծը շրջադարձային պահ է, որ վերջ է դնում տասնամյակներ տևած թշնամանքին։ Հուսով եմ, որ համաձայնագիրը որքան հնարավոր է շուտ կստորագրվի»։
Անտոնիո Կոշտան իր հերթին նշել է, որ Հայաստանն ու ԵՄ-ն գնում են դեպի ավելի խորը ու լայն համագործակցության և ցանկանում են հարաբերությունները զարգացնել, իսկ այս հանդիպումն առաջընթաց կգրանցի։
Նիկոլ Փաշինյանը շնորհակալությունն է հայտնել հրավերի և ջերմ ընդունելության համար։ Նա նշել է՝ լիովին համաձայն է, որ ՀՀ-ԵՄ համագործակցությունը տեսանելի զարգանում է, նաև շնորհակալություն հայտնել ԵՄ-ին ՀՀ-ի ժողովրդավարական բարեփոխումների օրակարգին աջակցելու համար։
Թարգմանությունը՝ Էմմա Չոբանյանի
