09.10.2026 | 13:34
Էդգար Ղազարյանը չորս օրով չվճարվող արձակուրդ է վերցրել
Ջեյն Բիրկինի Hermès պայուսակը Sotheby’s-ում վաճառվել է ռեկորդային 8.6 միլիոն եվրոյով
12.07.2025 | 13:33
Ջեյն Բիրկինին պատկանող և նրա անունը կրող Hermès պայուսակը աճուրդում վաճառվել է 8.6 միլիոն եվրոյով: Birkin-ի Hermès պայուսակը հուլիսի 10-ին Փարիզում կայացած աճուրդի գլխավոր լոտն է եղել, գրում է Meduza-ն։
Լոտի համար թեժ մրցակցություն է եղել, որում հաղթել է Ճապոնիայից անանուն հավաքորդը։
Sotheby’s աճուրդի տանը վաճառված պայուսակը եզակի է, որը հատուկ պատրաստվել էր մոդելի համար 1985 թվականին: Հայտնի տարբերակներից մեկի համաձայն՝ Բիրկինը ինքնաթիռում հայտնվել է Hermès-ի ղեկավար Ժան-Լուի Դյումայի կողքին և բողոքել նրան կանացի բավականաչափ տարողունակ պայուսակների պակասից:
Որոշ փոփոխություններով Բիրկինին համար նախատեսված պայուսակի մոդելը սկսել է զանգվածային արտադրվել։
Hermès Birkin-ը աշխարհի ամենահայտնի (և թանկարժեք) պայուսակներից մեկն է։
Ինչպես նշում է People-ը, Birkin պայուսակը դարձել է հանրային աճուրդում վաճառված երկրորդ ամենաթանկ իրը նորաձևության հետ կապված։ Առաջին տեղը զբաղեցրել են 1939 թվականի «Օզի կախարդը» ֆիլմի կարմիր կոշիկները։ 2024 թվականին կոշիկները վաճառվել են Միացյալ Նահանգներում կայացած աճուրդում 32,5 միլիոն դոլարով։
Թարգմանությունը Էմմա Չոբանյանի
