Կրեմլը մեկնաբանել է Մոսկվան ռմբակոծելու մասին Թրամփին վերագրվող խոսքերը

ՌԴ նախագահի մամուլի խոսնակ Դմիտրի Պեսկովն անդրադարձել է հարցին, թե ԱՄՆ նախագահ Դոնալդ Թրամփը ,իբր,  սպառնացել է «ռմբակոծել Մոսկվան Ուկրաինայում ռազմական գործողությունների սկսման դեպքում», գրում է Ինտերֆաքսը։

«Այստեղ դժվար է ասել, բանն այն է, որ այն ժամանակ չեն եղել հեռախոսազրույցներ։ Խոսքը, ինչքանով հասկանում եմ, այն շրջանի մասին է, երբ Թրամփը դեռ ԱՄՆ նախագահ չէր։ Դրա համար այստեղ  ձեզ խորհուրդ եմ տալիս ուղղել ձեր հարցերը Սպիտակ տանը»,-ասել է Պեսկովը լրագրողներին։

«Դուք խնդրում եք ինձ հաստատել, արդյոք Թրամփի ելույթը Ամերիկայում տեղի է ունեցել, իբր, երբ նա խոսել է որոշ դոնորների հետ 2024 թվականին: Ամեն դեպքում, սա ամբողջովին կոռեկտ չէ, ես չեմ կարող հաստատել կամ հերքել դա ամբողջ ցանկության դեպքում. խոսքը Թրամփի ելույթի մասին է Ամերիկայում 2024 թվականին: Ես աշխատում եմ Ռուսաստանում, փառք Աստծո: Անկախ նրանից՝ սա կեղծ է, թե ոչ, մենք նույնպես չգիտենք: Հիմա շատ կեղծիքներ կան: Հաճախ կեղծիքները շատ ավելի շատ են, քան ճշմարիտ տեղեկատվությունը, և մենք միշտ ելնում ենք դրանից, երբ վերլուծում ենք այս կամ այն ​​լուրը», – ասել  է Պեսկովը։

Հավելենք, որ CNN-ը ավելի վաղ հաղորդել էր, որ Դոնալդ Թրամփը անցյալ տարի դոնորների հետ մասնավոր հանդիպման ժամանակ հայտարարել է, որ մի անգամ փորձել է Ռուսաստանի նախագահ Վլադիմիր Պուտինին կանգնեցնել Ուկրաինայի վրա հարձակվելուց՝ սպառնալով «ռմբակոծել Մոսկվան» որպես պատասխան։

«Պուտինին ես ասացի՝ «Եթե դուք ներխուժեք Ուկրաինա, ես պատրաստվում եմ  Մոսկվան ռմբակոծել։ Ասում եմ ձեզ, որ ես այլընտրանք չունեմ», – ասել է Թրամփը 2024 թվականի դրամահավաքներից մեկի ժամանակ՝ ըստ ձայնագրության։

«Եվ հետո (Պուտինը)ասում է. «Ես ձեզ չեմ հավատում»։ Բայց նա ինձ 10%-ով է հավատացել»,-հավելել է նա։

Ավելի ուշ Թրամփը պնդել է, որ նմանատիպ նախազգուշացում է փոխանցել Չինաստանի նախագահ Սի Ցզինպինին Թայվան հնարավոր ներխուժման վերաբերյալ՝ ասելով նրան, որ ԱՄՆ-ն կհարվածի Պեկինին։

Թարգմանությունը՝ Էմմա Չոբանյանի