12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Իրանն ուսումնասիրում է միջուկային բանակցությունները շարունակելու վերաբերյալ ԱՄՆ-ի դիմումը
Քաղաքականություն
08.07.2025 | 18:08
Իրանի արտաքին գործերի նախարարությունն ուսումնասիրում է ԱՄՆ-ի դիմումը՝ Թեհրանի միջուկային ծրագրի շուրջ բանակցությունները շարունակելու վերաբերյալ։ Այս մասին իրանական լրատվամիջոցներին հայտնել են աղբյուրները, գրում է Mehr-ը։
Նշվում է, որ Իրանի միջուկային կարողությունները կանգնեցնելու հարցում անհաջողությունից հետո, ԱՄՆ պաշտոնյաները խնդրել են շարունակել բանակցությունները Իրանի հետ տարբեր երկրների միջնորդների միջոցով։
Ըստ լրատվամիջոցի՝ Իրանի արտաքին գործերի նախարարությունը մտորում է ԱՄՆ-ի պնդումների անհրաժեշտության և հիմնավորվածության, ինչպես նաև պատժամիջոցները վերացնելու, ուրանի հարստացման մակարդակը որոշելու և պարտադրված 12-օրյա պատերազմի համար փոխհատուցում ստանալու համար նոր բանակցությունների անցկացման շուրջ։
Հիշեցնենք, որ Իրանի նախագահ Մասուդ Փեզեշքիանը, ավելի վաղ անդրադառնալով Վաշինգտոնի հետ հնարավոր բանակցություններին, ասել էր. «Մենք որևէ խնդիր չունենք բանակցությունների հետ կապված։ Սակայն սիոնիստական ռեժիմի կողմից տարածաշրջանին և մեր երկրին հասցված աղետներն իրավիճակը դարձրել են կրիտիկական»։
Փեզեշքիանը պայմաններ էր առաջադրել երկխոսության վերսկսման համար։
«Մենք հույս ունենք, որ այս ճգնաժամը հաղթահարելուց հետո կրկին կկարողանանք վերադառնալ բանակցությունների սեղանի շուրջ։ Իհարկե, սա պահանջում է մեկ պայման՝ վստահություն երկխոսության գործընթացի նկատմամբ։ Երկխոսության ընթացքում սիոնիստական ռեժիմին չպետք է թույլատրվի կրկին հարձակվել և պատերազմի կրակը վառել»,- հայտարարել էր Իրանի նախագահը։
Թարգմանությունը՝ Էմմա Չոբանյանի
