07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Թուրքիայի ՊՆ-ն հայտնում է Իրաքում 12 թուրք զինծառայողի մահվան մասին
Քաղաքականություն
07.07.2025 | 19:14
Թուրքիայի պաշտպանության նախարարությունը հայտարարել է, որ հյուսիսային Իրաքում «Pençe-Kilit» գործողության տարածքում քարանձավում որոնողական և ստուգիչ գործողության ժամանակ 19 զինվոր ենթարկվել է մեթան գազի ազդեցությանը, 12 զինվոր մահացել է։
«2025 թվականի հուլիսի 6-ին «Pençe-Kilit» գործողության շրջանում, 852-րդ բլրի վրա գտնվող անջատողական ահաբեկչական կազմակերպության անդամների կողմից օգտագործվող քարանձավում իրականացված որոնողական գործողության ընթացքում մեր զինակիցներից ևս երեքը, որոնք տուժել էին մեթան գազից, նահատակվել են, իսկ նահատակվածների թիվը հասել է ութի»,- ասվում է Թուրքիայի ՊՆ հաղորդագրության մեջ։
Ավելի ուշ նախարարությունը հայտնել է, որ մահացած զինծառայողների թիվը հասել է 12-ի։
Նախօրեին հաղորդվել էր 5 զինծառայողի մահվան մասին։
Դեպքը տեղի է ունեցել հուլիսի 6-ին՝ կրտսեր լեյտենանտ Նուրի Մելիհ Բոզքուրտի մնացորդների որոնման աշխատանքների ժամանակ, որը սպանվել է 2022 թվականի մայիսի 28-ին գործողության ժամանակ Քուրդիստանի բանվորական կուսակցության (PKK) կրակոցների հետևանքով։
Չնայած նրա մահից հետո իրականացված լայնածավալ որոնումներին՝ Բոզքուրտի մարմինը չի հայտնաբերվել։
Թարգմանությունը՝ Էմմա Չոբանյանի
