16.07.2026 | 21:58
ԿԼ. «Ալաշկերտը» վերջին վայրկյաններին փրկվեց պարտությունից ու հաղթեց հետխաղային 11-մետրանոցներով․ ՏԵՍԱՆՅՈՒԹ
Հավատում եմ՝ այս հին քաղաքը կդառնա Կովկասում զարգացման ու խաղաղության նոր կենտրոն․ Էրդողանը՝ հայաթափված Ստեփանակերտի մասին
Քաղաքականություն
04.07.2025 | 18:51
Թուրքիայի նախագահ Ռեջեփ Թայիփ Էրդողանը ելույթ է ունեցել Տնտեսական համագործակցության կազմակերպության (ՏՀԿ) 17-րդ գագաթնաժողովում, որը Բաքվուն կազմակերպել է հայաթափված Ստեփանակերտում, հայտարարելով, թե «փաստը, որ հանդիպումը տեղի է ունեցել օկուպացիայից ազատագրված Խանքենդի (ադրբեջանցիներն ու թուրքերն այդպես են անվանում Ստեփանակերտը) քաղաքում, գագաթնաժողովին հաղորդում է հատուկ կարևորություն և իմաստ», հաղորդում է TRT Haber-ը։
«Ես անկեղծորեն հավատում եմ, որ իմ եղբոր՝ Իլհամի հեռատես մոտեցման շնորհիվ այս հին քաղաքը կդառնա Կովկասում զարգացման և խաղաղության նոր կենտրոն»,- ասել է Էրդողանը։
Նա նաև նշել է, որ զբոսաշրջության ոլորտում համագործակցությունը կազմակերպության համար հատուկ պատասխանատվություն է, և շնորհավորել է բոլոր ադրբեջանցիներին՝ Շուշին 2026 թվականի Տնտեսական համագործակցության կազմակերպության զբոսաշրջության մայրաքաղաք ընտրվելու կապակցությամբ։
Բացի այդ, Էրդողանը կրկին խոսել է Իսրայելի ագրեսիվ քաղաքականության մասին Գազայում, ինչպես նաև անդրադաձել Իրանի դեմ հարձակմանը։
«Մենք առաջին իսկ օրը պաշտոնապես հայտարարեցինք, որ Իրանի դեմ հարձակումներն անընդունելի են։ Մենք մեծ ջանքեր ենք գործադրել՝ կանխելու համար մեր տարածաշրջանի՝ ավելի մեծ աղետի մեջ ներքաշվելը։ Հուսով ենք, որ կողմերի միջև փաստացի հրադադարը կվերածվի հանգստության»,- ասել է Թուրքիայի նախագահը։
Թարգմանությունը՝ Էմմա Չոբանյանի
