16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Բնակարանի պատուհանից ընկնելու հետևանքով մահացել է «Տրանսնեֆտ»-ի փոխնախագահ Անդրեյ Բադալովը
Քաղաքականություն
04.07.2025 | 13:38
«Տրանսնեֆտ»-ի փոխնախագահ, 62-ամյա Անդրեյ Բադալովը մահացել է Մոսկվայի Ռուբլյովսկոյե մայրուղու վրա գտնվող իր բնակարանի պատուհանից ընկնելու հետևանքով։ Բադալովի մահվան մասին հայտնում են ՌԴ ուժայիններին մոտ կանգնած տելեգրամ ալիքներն ու ռուսական լրատվամիջոցները։
«Բադալովի մարմինը հայտնաբերվել է Ռուբլյովսկոյե մայրուղու վրա գտնվող տան պատուհանների տակ։ Մահվան նախնական պատճառն ինքնասպանությունն է»,- ասել է իրավապահ մարմիններում ՏԱՍՍ գործակալության աղբյուրը։
Դեպքի առթիվ հետաքննություն է ընթանում։
Բադալովը «Տրանսնեֆտ»-ի փոխնախագահի պաշտոնը զբաղեցնում էր 2021 թվականից։ Դրանից առաջ նա աշխատել է որպես «Վոսխոդ» հետազոտական ինստիտուտի գլխավոր տնօրեն։ «Տրանսնեֆտ»-ում Բադալովը զբաղվել է թվային վերափոխման և արտադրության ու գործարար գործունեության ավտոմատացման հարցերով։
Սա վերջին տարիներին խոշոր ռուսական ընկերության թոփ մենեջերի անսպասելի մահվան առաջին դեպքը չէ։ Դրանց մեծ մասը տեղի է ունեցել 2022 թվականին։ Մասնավորապես, 2022 թվականի սեպտեմբերի 1-ին «Լուկոյլ»-ի տնօրենների խորհրդի նախագահ Ռավիլ Մագանովը մահացել էր դարձյալ պատուհանից ընկնելու հետևանքով։ Նրա մարմինը հայտնաբերվել էր Կենտրոնական կլինիկական հիվանդանոցի պատուհանների տակ։ Նշվել էր, թե նա «ծխելիս պատահաբար ընկել է պատուհանից»։
Թարգմանությունը՝ Էմմա Չոբանյանի
