12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Իժևսկում ուկրաիանական ԱԹՍ-ները հարվածել են էլեկտրամեխանիկական գործարանին․ ՏԵՍԱՆՅՈՒԹ
Քաղաքականություն
01.07.2025 | 13:31
Ուկրաինական անօդաչու թռչող սարքերը հարձակվել են Իժևսկի ձեռնարկություններից մեկի վրա։ Այս մասին հայտնել է Ուդմուրտիայի ղեկավար Ալեքսանդր Բրեչալովը։ Նա չի մանրամասնել, թե ինչ ձեռնարկության է։ Բրեչալովի խոսքով՝ հրշեջները «վերացնում են հրդեհի օջախները» և հարձակման հետևանքով կան տուժածներ, գրում է Meduza-ն։
Ուկրաինական Exilenova+ տելեգրամ ալիքը գրում է, որ անօդաչու թռչող սարքերի թիրախը կարող էր լինել Իժևսկի «Կուպոլ» էլեկտրամեխանիկական գործարանը, որը կատարում է Ռուսաստանի պաշտպանության նախարարության պատվերները և, ի թիվս այլնի, արտադրում է զենիթային հրթիռներ։
Սոցիալական ցանցերում տարածվել են լուսանկարներ և տեսանյութեր Իժևսկում անօդաչու թռչող սարքի անկման հետևանքների մասին։ Կադրերում ծուխ է երևում։
Գիշերը և առավոտյան անօդաչու թռչող սարքերի հարձակման պատճառով սահմանափակումներ են մտցվել Սարատովի, Ուլյանովսկի, Կազանի, Նիժնեկամսկի և Իժևսկի օդանավակայաններում: Astra տելեգրամ ալիքը գրում է, որ Սարատովի և Էնգելսի բնակիչները հայտնել են պայթյունների և օդային հարձակման ազդանշանների մասին։
Օրյոլի և Վորոնեժի մարզերի իշխանությունները հայտարարել են, որ հարձակումից հետո վնասներ կամտուժածներ չկան: Մյուս մարզերի ղեկավարները հետևանքների մասին չեն հաղորդել։
Ռուսաստանի պաշտպանության նախարարությունը հայտարարել է, որ անցյալ գիշեր ՀՕՊ ուժերը խոցել կամ որսացել են 60 անօդաչու թռչող սարք։
Թարգմանությունը՝ Էմմա Չոբանյանի
