07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Իրանը հայտնում է Թեհրանի մոտ F35 կործանիչ խոցելու մասին․ՏԵՍԱՆՅՈՒԹ
Քաղաքականություն
18.06.2025 | 14:09
Իսրայելական F-35 կործանիչ է խոցվել Թեհրանից մոտ 35 կիլոմետր հարավ-արևելք գտնվող Վարամին քաղաքի մոտակայքում։ Այս մասին չորեքշաբթի առավոտյան հայտարարել է Վարամինի նահանգապետը, գրում է Mehr գործակալությունը։
Նահանգապետ Հոսեյն Աբասին հայտնել է, որ կործանիչը խոցվել է Իրանի բանակի հակաօդային պաշտպանության համակարգի կողմից։ Ըստ իրանական աղբյուրների՝ սա հինգերորդ իսրայելական կործանիչն է, որը խոցվում է Իրանի զինված ուժերի կողմից։
Նախօրեին էլ հաղորդվել էր Թավրիզի երկնքում իսրայելական F-35 կործանիչ խոցելու մասին։ Իսրայելական կողմը այս տեղեկությունները չի հաստատել։
Իրանական լրատվամիջոցները նաև ցուցադրել են իսրայելական Hermes 900 անօդաչու թռչող սարքի կադրերը, որը, խոցվել է Սպահան նահանգում։
Թարգմանությունը՝ Էմմա Չոբանյանի
