06.10.2026 | 22:37
Թարմացվել է Ադրբեջանում քաղբանտարկյալների ցուցակը․ դրանում ներառված է 322 անձ
Իրանը հայտնում է Թավրիզի երկնքում իսրայելական F-35 կործանիչ խոցելու մասին
Քաղաքականություն
17.06.2025 | 22:47
Իրանի Արևելյան Ադրբեջան նահանգի ճգնաժամային կառավարման գրասենյակի գլխավոր տնօրենը հայտարարել է, որ Թավրիզում հակաօդային պաշտպանությունը հաջողությամբ խոցել է իսրայելական F-35 կործանիչ, գրում է Mehr գործակալությունը։
Մաջիդ Ֆարշին ասել է, որ ավելի վաղ Թավրիզում խոցվել է երկու անօդաչու թռչող սարք։ Նա հավելել է, որ երեքշաբթի օրը թիրախավորվել են Թավրիզի շրջակայքում գտնվող երեք վայրեր, և ՀՕՊ համակարգերը հակազդել են իսրայելական միջոցներին։
Իրանական լրատվամիջոցը գրում է, որ սա չորրորդ F-35 կործանիչն է, որը ոչնչացրել է Իրանի ՀՕՊ-ը։
Իսրայելն այս տեղեկությունները չի հաստատել։ Իսրայելի ռազմաօդային ուժերը մի շարք ավիահարվածներ են հասցրել Իրանի արևմտյան մասում գտնվող բալիստիկ հրթիռների կայանքներին։ Իսրայելի բանակը հայտնում է, որ կործանիչները հարվածել են տասնյակ բալիստիկ հրթիռների կայանքների և այլ թիրախների։ Օրվա ընթացքում Իսրայելի պաշտպանության բանակը հայտնել է, որ հարվածել է Իրանի հակաօդային պաշտպանության համակարգերին և ռադարային կայաններին Իրանի արևմուտքում։
Թարգմանությունը՝ Էմմա Չոբանյանի
