08.09.2026 | 10:13
Միրզոյանն ու Լատվիայի Սաեյմայի նախագահը քննարկել են Հայաստան-ԵՄ գործընկերության ռազմավարական օրակարգը
Իսրայելի ՊՆ ղեկավարը սպառնացել է Թեհրանի բնակիչներին
Քաղաքականություն
16.06.2025 | 14:40
Իսրայելի պաշտպանության նախարար Իսրայել Կացը հայտարարել է, որ Թեհրանի բնակիչները «շուտով կվճարեն գինը» այն բանից հետո, երբ լուսաբացից առաջ իրանական հրթիռները հարվածել են Թել Ավիվին և Հայֆա նավահանգստային քաղաքին։
«Թեհրանի ամբարտավան բռնապետը վերածվել է վախկոտ մարդասպանի, որը թիրախային հարված է հասցնում Իսրայելի քաղաքացիական բնակչությանը՝ իսրայելական բանակի հարձակումը կանխելու համար, որը խաթարում է նրա կարողությունները։ Թեհրանի բնակիչները շուտով կվճարեն գինը»,- գրել է Կացը X-ի իր միկրոբլոգում։
Ավելի ուշ մեկ այլ գրառմամբ էլ նա հայտարարել է, որ Իսրայելը մտադիր չէ դիտավորյալ վնաս հասցնել Թեհրանի բնակիչներին։
«Ես կցանկանայի պարզաբանել ակնհայտը. չկա Թեհրանի բնակիչներին ֆիզիկապես վնասելու մտադրություն, ինչպես մարդասպան բռնապետն է անում Իսրայելի բնակիչների հետ։ Թեհրանի ժողովուրդը ստիպված կլինի վճարել բռնապետության գինը և լքել իրենց տները այն տարածքներում, որտեղ անհրաժեշտ կլինի հարձակվել ռեժիմի թիրախների և Թեհրանի անվտանգության ենթակառուցվածքների վրա»,- նշել է նա։
Հիշեցնենք, որ Իսրայելում Իրանի գիշերային հարվածների հետևանքով վիրավորվել է շուրջ 300 մարդ, զոհվել՝ 8-ը։
Թարգմանությունը՝ Էմմա Չոբանյանի
