27.06.2026 | 18:14
ՍԴ-ն պետք է գնահատի ոչ թե խախտումների առկայությունը, այլ արդյոք դրանք կարող էին ազդել արդյունքի վրա․ Գալյան․ ՏԵՍԱՆՅՈւԹ
2022-ից հետո կառուցված ինքնակամ շինություններն օրինականացման ենթակա չեն. Կադաստրի կոմիտեի ղեկավար․ ՏԵՍԱՆՅՈՒԹ
Տնտեսություն
09.06.2025 | 16:25
2022-ից հետո կառուցված ինքնակամ շինություններն օրինականացման ենթակա չեն, այս մասին ԱԺ համատեղ հանձնաժողովների նիստին 2024 թվականի պետբյուջեի տարեկան կատարողականի հաշվետվության նախնական քննարկումների ժամանակ հայտնեց Կադաստրի կոմիտեի նախագահ Սուրեն Թովմասյանը։
«Մենք ունենք բոլոր գործիքակազմերը՝ շարունակելու գործընթացը, մենք հստակ արձանագրել ենք մի բան, և իմ կարծիքով՝ դա հնարավոր չէ որևէ կերպ փոփոխության ենթարկել։ Խոսքը 2022 թվականից հետո կառուցված ինքնակամների մասին է: Օրենսդրորեն սահմանված է արդեն, որ դրանք օրինականացման ենթակա չեն: Ես, լինելով թե՛ Կադաստրի կոմիտեի ղեկավար, թե ՀՀ քաղաքացի, կարծում եմ, որ պետք է վերջ տանք նման մոտեցումներին՝ հաշվի առնելով մեր սեյսմիկ ռիսկերը, հաշվի առնել հետագայում քաղաքաշինական միջավայրի՝ ավելի կայուն, ավելի ճիշտ տեսքի բերելու հնարավորությունները»,-հայտարարեց Կադաստրի կոմիտեի ղեկավարը։
Սուրեն Թովմասյանի խոսքով՝ շատ բարդ է հաշվարկել, թե քանի ինքնակամ շինություն չի հաշվառվել, քանի որ ՀՀ-ում չկա պարտադիր պահանջ իրավունքի գրանցման, այսինքն՝ մարդն ինքն է որոշում՝ երբ դիմի իր սեփականության նկատմամբ իրավունքի գրանցման համար:
Մանրամասները՝ տեսանյութում։
Մանյա Պողոսյան
