01.08.2026 | 19:54
«Ուժեղ Հայաստան» խմբակցության ղեկավար է ընտրվել Նարեկ Կարապետյանը, խմբակցության քարտուղար՝ Տիգրան Աբրահամյանը
Ավտոմեքենաների և ծխախոտի ներմուծումը նվազել է․ ՊԵԿ նախագահ. ՏԵՍԱՆՅՈՒԹ
Քաղաքականություն
09.06.2025 | 11:11
Հարկեր-ՀՆԱ հարաբերակցության մեջ տեղի է ունեցել մոտ 0,5 տոկոսային կետի նվազում, այս մասին ԱԺ համատեղ հանձնաժողովների նիստում 2024 թվականի պետական բյուջեի կատարման նախնական քննարկումների ժամանակ ասաց ՊԵԿ նախագահ Էդուարդ Հակոբյանը։
Նա պարզաբանեց, որ պատճառն ավտոմեքենաների ներմուծման նվազումն է։
Պաշտոնյան շեշտեց, որ սահմանային հավաքագրումների կամ ներմուծման մեջ որոշ խնդիրներ են եղել, որոնք օբյեկտիվ են։ «Հիմնական մասը ավտոմեքենաներն են։ Նախորդ տարիներին բավական մեծ աճ ունեինք ավտոմեքենաների ներմուծման ոլորտում, և այդ բարձր բազայի վրա արդեն 2024 թվականին տեղի ունեցավ։ Նվազում կա նաև ծխախոտի ներմուծման մասով»,- նշեց Հակոբյանը։
Հակոբյանի խոսքով՝ թեև հարկեր-ՀՆԱ հարաբերակցության մեջ տեղի է ունեցել նվազում, սակայն դա, ըստ նրա, չի նշանակում, որ ստվերի կրճատման տեմպերն են նվազել։
«Կա երկու ոլորտ, որոնք վերջին տարիներին ունեցել են բարձր աճի տեմպեր՝ բանկային համակարգը և շինարարությունը, որոնց հարկային մուտքերն ավելի տեսանելի են դառնում այս տարի։ Այսինքն՝ առկա է տվյալ ժամանակահատվածի տնտեսական աճի և հարկային եկամուտների միջև որոշակի խզում։ Մուտքերն ուշանում են, և դա է պատճառը հարկեր-ՀՆԱ հարաբերակցության նվազման»,-բացատրեց ՊԵԿ պաշտոնյան։
Նա նաև տեղեկացրեց, որ 2024 թվականին ունեցել ենք հարկային եկամուտների 5.1 տոկոս աճ կամ 117 միլիարդ դրամով աճ:
Մանրամասները՝ տեսանյութում։
Մանյա Պողոսյան
