13.01.2026 | 20:12
Հարավային Կորեայի նախկին նախագահի համար դատախազությունը մահապատիժ է պահանջել
Պետական ապարատի ծառայողական մեքենաներն ավելի քան կիսով չափ կրճատվել են․ Արայիկ Հարությունյան․ ՏԵՍԱՆՅՈՒԹ
Տնտեսություն
06.06.2025 | 11:46
Պետական ապարատի ծառայողական մեքենաների քանակն ավելի քան կիսով չափ կրճատվել է։ Այս մասին ԱԺ մշտական հանձնաժողովների համատեղ նիստի ժամանակ 2024 թվականի պետբյուջեի կատարողականի նախնական քննարկումների ժամանակ հայտնեց վարչապետի աշխատակազմի ղեկավար Արայիկ Հարությունյանը։
«Բայց շեշտակի է լինելու կրճատումը, որովհետև երկու անգամ պակասել են մեքենաները, և երկրորդ՝ մեքենաների մի մասն էլեկտրական է կամ հիբրիդ, այսինքն՝ էլեկտրականությամբ են լիցքավորվում այդ մեքենաները: 40 մեքենայի տեղն այս պահին ունենք 19 մեքենա»,- ասաց նա:
Հարցուպատասխանի ժամանակ անկախ պատգամավոր Գեղամ Նազարյանի հարցը վերաբերում էր ծառայողական մեքենաների քանակին և կրճատմանը։ Ինչին ի պատասխան Հարությունյանը մանրամասնեց․ «Շատ հաճախ երբեմն արժի մի քիչ ավելի թանկ մեքենա գնել, բայց հինը հանձնել, որովհետև տարվա ընթացքում հին մեքենաների վրա շատ ավելի մեծ ծախսեր են լինում: Այսինքն՝ մենք նոր մեքենաների վրա առաջիկա տարիներին, ըստ էության, ծախսեր չենք անի, և շահագործման ծախսերը կկոմպենսացնեն գնման ծախսերը»։
Հիշեցնենք՝ անցած տարեվերջին Հանրային ՀԸ-ին տված հարցազրույցի ժամանակ Նիկոլ Փաշինյանը հայտարարել էր, որ «կացնային ձևով կրճատելու է» ծառայողական մեքենաների թիվը։ Հարցին՝ քանի՞ տոկոսն է կացնով կտրելու, Փաշինյանը պատասխանել էր, որ շատ մեծ տոկոս է կազմվելու՝ 80- 90 տոկոս։
Մանրամասները՝ տեսանյութում։
Մանյա Պողոսյան
