Պուտինը հրաժարվել է Բաշար Ասադին արտահանձնել Սիրիային

Լուրեր

19.11.2026 | 17:42
Վեց երկիր, այդ թվում՝ ՀՀ-ն և ԱՄՆ-ն, դեմ են քվեարկել Իսլամական կազմակերպության հետ համագործակցության մասին ՄԱԿ-ի բանաձևին
19.11.2026 | 17:30
Արդյո՞ք Իրանն ու Ադրբեջանը կարող են դառնալ ռուսական գազի այլընտրանքային մատակարար
19.11.2026 | 17:19
Օլիմպիական չեմպիոնը երեք տարով որակազրկվել է դոպինգի համար
19.11.2026 | 17:07
Ինչո՞ւ հետաձգվեց, ապա չեղարկվեց Միրզոյանի և Գերմանիայի ԱԳ նախարարի համատեղ ասուլիսը
19.11.2026 | 17:00
ԱՄՆ-ում ռուսաստանցի է ձերբակալվել լրտեսության մեղադրանքով․ նա հետևել է Ուկրաինային աջակցող ընկերության գործունեությանը
19.11.2026 | 16:51
Փաշինյանը դեկտեմբերի 3-ին կմեկնի Մոսկվա և կհանդիպի Պուտինի հետ․ ՏԵՍԱՆՅՈՒԹ
19.11.2026 | 16:46
Ամերիկյան AECOM-ը Մհեր Գրիգորյանին ներկայացրել է ԹՐԻՓՓ նախագծի տեխնիկատնտեսական ուսումնասիրության նախնական արդյունքները
19.11.2026 | 16:35
Բագրատ արքեպիսկոպոս Գալստանյանի տնային կալանքի ժամկետը 3 ամսով երկարաձգվեց
19.11.2026 | 16:24
Գրեթե բոլոր ռուսական բանկերը սանկցիաների տակ են, մեզ համար դա խնդիրներ է ստեղծում․ Մարտին Գալստյան․ ՏԵՍԱՆՅՈՒԹ
19.11.2026 | 16:13
Կրեմլը հայտնել է, որ Ուկրաինայի թեման ԱՄՆ-ի և Չինաստանի հետ եռակողմ հանդիպման առանցքային հարցը չի եղել
19.11.2026 | 16:05
Խվիչա Կվարացխելիան տարվա մարդ է ճանաչվել GQ France ամսագրի վարկածով
19.11.2026 | 15:55
Հայաստանի տնտեսությունը տուժել է, որպեսզի ընդդիմությունն ավելի շատ քվե ստանա՞․ Ռուբինյան․ ՏԵՍԱՆՅՈՒԹ
19.11.2026 | 15:51
Պուտինը, Թրամփն ու Սի Ցզինպինը համատեղ հռչակագիր են ընդունել․ ինչ կետեր են ներառված
19.11.2026 | 15:47
ՖԻՖԱ-ի նախագահի պաշտոնում առաջադրվել է երեք թեկնածու
19.11.2026 | 15:38
Թբիլիսիի բնակելի շենքերից մեկում պայթյուն է տեղի ունեցել․ փլատակների տակ 7 մարդ կա, այդ թվում՝ երեխաներ
Բոլորը

Ռուսաստանը մերժել է Սիրիայի նոր կառավարության խնդրանքը՝ արտահանձնել Ռուսաստան փախած տապալված նախագահ Բաշար Ասադին։ Այս խնդրանքը Ռուսաստանի իշխանություններին փոխանցվել է հունվարին, The New York Times-ին տված հարցազրույցում ասել է Սիրիայի ժամանակավոր նախագահ, «Հայաթ Թահրիր ալ-Շամ» (HTS) ջիհադիստական ​​խմբավորման առաջնորդ Ահմեդ ալ-Շարաան, փոխանցում է DW-ի ռուսական ծառայությունը։

Ըստ հրապարակման՝ չնայած մերժմանը՝ Սիրիայի նոր վարչակազմը մտադիր չէ խզել հարաբերությունները Ռուսաստանի հետ և սիրիական իշխանությունները, կարծես, բաց են Կրեմլի հետ բանակցությունների համար։

«Ռուսաստանը ՄԱԿ-ի Անվտանգության խորհրդի մշտական ​​անդամ է։ Սիրիայի զենքն ամբողջությամբ ռուսական է։ Եվ կան բազմաթիվ համաձայնագրեր սննդի և էներգիայի մատակարարման վերաբերյալ, որոնց վրա Սիրիան հույսը դրել է տարիներ շարունակ»,- ասել է ալ-Շարաան՝ ընդգծելով, որ իր կառավարությունը «հաշվի է առնում սիրիական այս շահերը»։

Լրատվամիջոցը նշում է, որ Սիրիայում տեղի ունեցող ավերիչ քաղաքացիական պատերազմի ընթացքում Մոսկվան ինքնաթիռներ, նավեր, զորքեր և ռազմական խորհրդատուների է ուղարկել երկիր՝ Ասադի ռեժիմին աջակցելու համար։

«Մինչ այժմ մենք այլ երկրներից որևէ առաջարկ չենք ստացել սիրիական զենքը փոխարինելու մասին, որը հիմնականում արտադրվում է Ռուսաստանում»,- հավելել է ալ-Շարաան՝ ենթադրելով, որ իր երկիրը կարող է կրկին Ռուսաստանի աջակցության կարիքը ունենալ։

Հունվարի 29-ին սիրիական SANA լրատվական գործակալությունը հաղորդել էր, որ Սիրիայի նոր իշխանությունները Դամասկոսում ռուսական պատվիրակության հետ բանակցությունների ժամանակ հայտարարել են, որ «սիրիացի ժողովրդի հետ վստահության վերականգնման գործում Ռուսաստանի դերի հույս ունեն՝ այնպիսի կոնկրետ միջոցառումների միջոցով, ինչպիսիք են փոխհատուցումը, վերակառուցումը և վերականգնումը»։ Սիրիա էր մեկնել Ռուսաստանի պատվիրակությունը՝ փոխարտգործնախարար Միխայիլ Բոգդանովի և ՌԴ նախագահի Սիրիայի հարցերով հատուկ ներկայացուցիչ Ալեքսանդր Լավրենտևի գլխավորությամբ։ Դա Ասադի տապալումից հետո ռուս պաշտոնյաների առաջին պաշտոնական այցն էր։

Դամասկոսը պատրաստ է Ռուսաստանին հնարավորություն տալ պահպանել իր ռազմաբազաները Միջերկրական ծովի ափին՝ Տարտուսում և Խմեյմիմում, եթե ձեռք բերվի համաձայնագիր, որը կծառայի սիրիական շահերին։ Այս մասին էլ փետրվարի 6-ին The Washington Post-ին տված հարցազրույցում հայտարարել էր Սիրիայի պաշտպանության նախարար Մուրհաֆ Աբու Քասրան։ Նա ասել էր, որ Ռուսաստանի վերաբերմունքը Սիրիայի նոր իշխանությունների նկատմամբ «զգալիորեն բարելավվել է» Ասադի տապալումից հետո։

Միաժամանակ, փետրվարի 12-ին Կրեմլը հաղորդել էր, որ ՌԴ նախագահ Վլադիմիր Պուտինը հեռախոսազրույց է ունեցել Ահմեդ ալ-Շարաայի հետ, որի ընթացքում նրանք «կարծիքների էական փոխանակում են ունեցել Սիրիայում տիրող իրավիճակի վերաբերյալ»։ Ըստ տեղեկությունների՝ Պուտինն «աջակցություն է հայտնել Սիրիայի պետության միասնությանը, ինքնիշխանությանը և տարածքային ամբողջականությանը» և հայտարարել Մոսկվայի պատրաստակամության մասին՝ «օգնելու բարելավել» երկրում սոցիալ-տնտեսական իրավիճակը։ Երկու օր անց Դամասկոսի օդանավակայանում վայրէջք էր կատարել հարյուր միլիարդավոր սիրիական ֆունտ տեղափոխող ինքնաթիռ։ Ըստ Reuters-ի՝ այն եկել էր Ռուսաստանից, որն Ասադի օրոք փող էր տպում Սիրիայի համար։

Թարգմանությունը՝ Էմմա Չոբանյանի