02.04.2025 | 11:47
Պետբյուջե չի վճարվել շուրջ 8.2 միլիարդ դրամի հարկ․ ՊԵԿ-ը ստվերային շրջանառության նոր դեպք է բացահայտել
Ուկրաինան լեգիտիմ կառավարություն ունի․ ՄԱԿ-ի գլխավոր քարտուղարը՝ ի պատասխան Պուտինի
Քաղաքականություն
29.03.2025 | 13:33
ՄԱԿ-ի գլխավոր քարտուղար Անտոնիու Գուտերեշը հայտարարել է, որ Ուկրաինան չունի արտաքին կառավարման կարիք՝ ընդգծելով, որ երկրում գործում է լեգիտիմ կառավարություն, որին պետք է հարգել․ գրում է rbc.ru-ն։
Այս հայտարարությունը հնչել է ի պատասխան Ռուսաստանի նախագահ Վլադիմիր Պուտինի առաջարկի՝ Ուկրաինայում ժամանակավոր կառավարում ներդնելու վերաբերյալ։
ՌԴ նախագահ Վլադիմիր Պուտինն առաջարկել էր քննարկել ՄԱԿ-ի և մի շարք երկրների հովանու ներքո Ուկրաինայում ժամանակավոր կառավարման ներդրման հարցը։
«Սկզբունքորեն կարելի է ՄԱԿ-ի, ԱՄՆ-ի, եվրոպական երկրների և, իհարկե, մեր գործընկերների ու ընկերների հովանու ներքո քննարկել Ուկրաինայում ժամանակավոր կառավարման ներդրման հնարավորությունը՝ ժողովրդավարական ընտրություններ անցկացնելու համար, նրա համար, որ իշխանության գա մի կառավարություն, որը գործունակ է և վայելում է ժողովրդի վստահությունը, իսկ հետո բանակցություններ սկսել նրանց հետ խաղաղության պայմանագրի շուրջ»,- ասել էր Պուտինը մարտի 27-ի գիշերը «Արխանգելսկ» միջուկային սուզանավերի նավաստիների հետ զրույցում։
