01.04.2025 | 23:14
Ապրիլ ամսվա եղանակի կանխատեսումը և կլիմայական բնութագիրը
Պուտինը Թրամփի հետ չի քննարկել Ուկրաինայի արտաքին կառավարումը․ Պեսկով
Քաղաքականություն
28.03.2025 | 19:31
ՌԴ նախագահ Վլադիմիր Պուտինը ԱՄՆ նախագահ Դոնալդ Թրամփի հետ չի քննարկել Ուկրաինայում արտաքին կառավարման ներդրման հարցը։ Այս մասին ասել է Կրեմլի խոսնակ Դմիտրի Պեսկովը, գրում է Կոմերսանտը։
«Հեռախոսազրույցի ընթացքում այդ թեման չի շոշափվել։ Սակայն դա փաստ է, որի մասին խոսել է նախագահը։ Իսկապես դիտարկվում է ուկրաինական զինված ուժերի տոտալ անվերահսկողություն»,- հայտարարել է Պեսկովը։
Նա նշել է, որ արտաքին կառավարման վերաբերյալ Վլադիմիր Պուտինի դիրքորոշումը հիմնված է «անհերքելի փաստերի վրա՝ կապված իրական ստատուս-քվոյի հետ, որն այժմ կա Ուկրաինայում»։ Սակայն, ըստ նրա, այդ մասին դեռ վաղ է խոսել։
Հիշեցնենք, որ Պուտինն առաջարկել էր քննարկել ՄԱԿ-ի և մի շարք երկրների հովանու ներքո Ուկրաինայում ժամանակավոր կառավարման ներդրման հարցը՝ այնտեղ ընտրություններ անցկացնելու համար։
ԱՄՆ Ազգային անվտանգության խորհրդի ներկայացուցիչն էլ, Reuters-ի հետ զրույցում մեկնաբանելով առաջարկը, նշել էր, որ Ուկրաինայում պետական կառավարումը որոշվում է երկրի Սահմանադրությամբ և ժողովրդի կողմից։
Թարգմանությունը՝ Էմմա Չոբանյանի
