13.12.2025 | 16:54
ԲԿ-ի տնօրենը պարզաբանել է՝ ինչպես է թուրքական շտապ օգնության մեքենան հայտնվել Նոր Նորքում
Պուտինն Էրդողանին ԱՄՆ-ի հետ բանակցություններից մանրամասներ է պատմել
Քաղաքականություն
28.03.2025 | 16:27
Թուրքիայի նախագահ Ռեջեփ Թայիփ Էրդողանի և ՌԴ նախագահ Վլադիմիր Պուտինի հեռախոսազրույցի վերաբերյալ պաշտոնական հաղորդագրություն է հրապարակել նաև Կրեմլը։ ՏԱՍՍ-ի փոխանցմամբ՝ երկու երկրների ղեկավարները քննարկել են էներգետիկ ոլորտում նախագծերը, հացահատիկի գործարքի վերսկսումը, Էր Ռիադում Ռուսաստանի և ԱՄՆ-ի պատվիրակությունների վերջին խորհրդակցությունների արդյունքները, մտքեր են փոխանակել Սևծովյան նախաձեռնության, հացահատիկի գործարքի վերսկսման և էներգետիկ ոլորտում նախագծերի շուրջ։
Պուտինն ու Էրդողանը քննարկել են տարբեր ոլորտներում ռուս-թուրքական փոխշահավետ համագործակցության հետագա զարգացման ընթացիկ հարցեր, այդ թվում՝ էներգետիկայի ոլորտում ռազմավարական նախագծերի խթանումը։ Կողմերը գոհունակությամբ նշել են երկկողմ հարաբերությունների դրական դինամիկան և փոխադարձ առևտրի աճը։
Նշվել է, որ Սիրիայի ինքնիշխանությունն ու միասնությունն անհրաժեշտ են երկրում կայունությունն ամրապնդելու և բոլոր էթնիկ և կրոնական խմբերին պաշտպանելու համար։
«Քննարկելով Սիրիայում տիրող իրավիճակը՝ առաջնորդներն ընդգծել են երկրի միասնության, ինքնիշխանության և տարածքային ամբողջականության ապահովման կարևորությունը, երկրի իշխանություններին և ժողովրդին հնարավոր օգնություն ցուցաբերելու անհրաժեշտությունը՝ ներքաղաքական կայունությունն ամրապնդելու և բնակչության բոլոր էթնիկ ու կրոնական խմբերի օրինական իրավունքների և շահերի հարգումը»,- ասվում է Կրեմլի հաղորդագրության մեջ։
Պուտինը Թուրքիայի ղեկավարին հայտարարել է, իբր, ռուսական էներգետիկ ենթակառուցվածքներին հարվածելու՝ Կիևի մշտական փորձերի մասին։
Զրույցում քննարկվել են Էր Ռիադում ռուսական և ամերիկյան փորձագիտական խմբերի միջև վերջին խորհրդակցությունների արդյունքներն ու Ռուսաստանի և Ուկրաինայի էներգետիկ օբյեկտներին հարվածների մորատորիումի մասին համաձայնությունը։
«Միևնույն ժամանակ, Վլադիմիր Պուտինն ուշադրություն է հրավիրել ռուսական էներգետիկ ենթակառուցվածքների վրա հարձակվելու՝ Կիևի շարունակվող սադրիչ փորձերի վրա»,- հաղորդում է Կրեմլը:
Պուտինը Էրդողանի հետ կիսվել է նաև ուկրաինական հակամարտության կարգավորման հարցով ռուս-ամերիկյան երկխոսության զարգացման վերաբերյալ իր գնահատականներով։
«Ռեջեփ Թայիփ Էրդողանն աջակցություն է հայտնել ռուս-ամերիկյան երկխոսությանը և թուրքական կողմի՝ սևծովյան գործարքի առաջխաղացմանը նպաստելու պատրաստակամությանը»,- ասվում է հայտարարության մեջ։
Կողմերը հեռախոսազրույցում քննարկել են նաև հացահատիկի գործարքի վերսկսման հարցը։
«Մտքերի փոխանակում է տեղի ունեցել անվտանգ նավագնացության հետ կապված «սևծովյան նախաձեռնության» վերսկսման և ռուսական պարենամթերքի ու պարարտանյութերի արտահանման խոչընդոտների վերացման շուրջ, որը կնքվել է 2022 թվականի հուլիսին Թուրքիայի և ՄԱԿ-ի քարտուղարության միջնորդությամբ, բայց իրականում այդպես էլ չի իրականացվել»,- ասվում է Կրեմլի հաղորդագրությունում։
Հավելենք, որ հեռախոսազրույցի մասին առաջինը հայտարարել էր թուրքական կողմը։
Թարգմանությունը՝ Էմմա Չոբանյանի
