05.04.2026 | 21:21
Բախվել են VAZ և KIA մակնիշների ավտոմեքենաները․ կան տուժածներ և զոհ
Իսրայելը սպառնացել է տարածք գրավել Գազայի հատվածում
Քաղաքականություն
26.03.2025 | 20:11
Իսրայելի վարչապետ Բենիամին Նեթանյահուն կրկնել է Գազայի հատվածում տարածք գրավելու սպառնալիքները, եթե ՀԱՄԱՍ-ը չազատի մնացած իսրայելցի պատանդներին, որոնք դեռևս պահվում են այնտեղ։
«Որքան շատ ՀԱՄԱՍ-ը շարունակի մերժել ազատ արձակել մեր պատանդներին, այնքան ավելի հզոր կլինեն մեր կողմից իրականացվող ճնշումները։ Դրանք ներառում են տարածքների գրավում և այլ բաներ»,- հայտարարել է Նեթանյահուն խորհրդարանում լսումների ժամանակ, որոնք երբեմն ընդհատվել են ընդդիմադիրների բղավոցներով:
ՀԱՄԱՍ-ն ավելի վաղ զգուշացրել էր, որ պատանդները կարող են սպանվել, եթե Իսրայելը փորձի ազատել նրանց ուժով, և որ եթե օդային հարվածները Գազայում կշարունակվեն։
Հայտարարության մեջ խմբավորումն ասել էր, թե «ամեն ինչ անում է գերիների կյանքը պահպանելու համար, սակայն սիոնիստական (իսրայելական) ռմբակոծությունները վտանգի տակ են դնում նրանց կյանքը»:
Հիշեցնենք, որ ավելի վաղ հարյուրավոր պաղեստինցիներ Գազայում ՀԱՄԱՍ-ի դեմ բողոքի ցույց էին անցկացրել՝ պահանջելով դադարեցնել պատերազմն Իսրայելի հետ։
Թարգմանությունը՝ Էմմա Չոբանյանի
